ന്യൂദല്ഹി: പ്രായമായ അച്ഛനമ്മമാരെ ഉപേക്ഷിക്കുകയോ അധിക്ഷേപിക്കുകയോ ചെയ്യുന്നവര്ക്കുള്ള ജയില് ശിക്ഷയുടെ കാലാവധി വര്ധിപ്പിക്കാനൊരുങ്ങി കേന്ദ്രസര്ക്കാര്. പ്രായമായ മാതാപിതാക്കക്കളോട് മക്കളുടെ സമീപനം വളരെ മോശമായരീതിയുള്ളതാണ് എന്നുള്ള നിരവധി പരാതികള് ലഭിച്ച സാഹചര്യത്തിലാണ് കേന്ദ്രം നടപടിക്കൊരുങ്ങുന്നത്.
നിലവില് ഇത്തരം കുറ്റകൃത്യങ്ങള് ചെയ്യുന്നവര്ക്ക് മൂന്നു മാസം എന്ന കാലാവധി ആറു മാസമാക്കി ഉയര്ത്താനാണ് പദ്ധതി ഇടുന്നത്. ഇതിനായി 2007ലെ മുതിര്ന്ന ആളുകളുടെയും മാതാപിതാക്കളുടെയും പരിചരണവും ക്ഷേമവും സംബന്ധിക്കുന്ന നിയമത്തില് മാറ്റം വരുത്താനാണ് സാമൂഹ്യക്ഷേമ മന്ത്രാലയം ഉദ്ദേശിക്കുന്നത്.
കുട്ടികള് എന്ന വ്യാഖ്യാനത്തിലേക്ക് ദത്തെടുക്കുത്ത കുട്ടി, മരുമകന്, മരുമകള്, കൊച്ചുമക്കള്, എന്നിവരെ കൂടി ഉള്പ്പെടുത്തുമെന്നും മന്ത്രാലയം അറിയിച്ചു. നിലവില് ഈ ഗണത്തില് രക്തബന്ധത്തിലുള്ള മക്കളും ചെറുമക്കളും മാത്രമാണ് വരുന്നത്. ഇത് സംബന്ധിച്ചുള്ള ബില്ലിന് രൂപകല്പ്പന ഉണ്ടാക്കിക്കഴിഞ്ഞു. ഇതിന് അംഗീകാരം ലഭിച്ചാലുടനെ നിലവില് വരും.
നിയമപ്രകാരം സമ്പാദ്യം ഉണ്ടാക്കുന്ന ഏതൊരാളും അവരുടെ മാതാപിതാക്കള്ക്ക് സംരക്ഷണം നല്കേണ്ടതാണ്. സുരക്ഷ എന്നതില് ഭക്ഷണം, വസ്ത്രം, വീട്, ആരോഗ്യപരിചരണം എന്നിവയെല്ലാം ഉള്പ്പെടുന്നുണ്ട്. മക്കള് ആവശ്യമായ സംരക്ഷണം നല്കുന്നില്ല എന്ന് തോന്നുന്ന അവസരത്തില് മുതിര്ന്ന പൗരന്മാര്ക്ക് ട്രിബ്യൂണലിനെ സമീപിക്കാനും സാധിക്കും.
