കൊച്ചി :പ്രതിപക്ഷ നേതാവ് പിണറായി വിജയന്റെ വീട്ടിലെ പരിശോധന കഴിഞ്ഞ് മടങ്ങിയ ഇ. ഡി ഉദ്യോഗസ്ഥരെ സി പി എം പ്രവര്ത്തകര് ആക്രമിച്ച കേസില് ഒമ്പതാം പ്രതിയുടെ ജാമ്യം റദ്ദാക്കാന് ഇഡിയ്ക്ക് പിന്നാലെ സംസ്ഥാന സര്ക്കാരും ഹൈക്കോടതിയിലേക്ക്. പ്രതി കടകമ്പള്ളി സ്വദേശി ഹരീഷിന്റെ ജാമ്യം റദ്ദാക്കാനായി ഹൈക്കോടതിയില് അടുത്ത ദിവസം ഹര്ജി നല്കും. തിരുവനന്തപുരം മ്യൂസിയം എസ് എച്ച് ഒ, ഡയറക്ടര് ജനറല് ഓഫ് പ്രോസിക്യൂഷന് ടി അസഫലിയുമായി നടത്തിയ കൂടിക്കാഴ്ചയിലാണ് തീരുമാനം.
27 ദിവസത്തെ ജുഡീഷ്യല് കസ്റ്റഡിയ്ക്ക് ശേഷമാണ് ഹരീഷ് കുമാറിന് ജാമ്യം ലഭിച്ചത്. മാസപ്പടി കേസുമായി ബന്ധപ്പെട്ട് പിണറായി വിജയന്റെ വീട്ടില് റെയ്ഡിനെത്തിയ ഇഡി ഉദ്യോഗസ്ഥര് പരിശോധന കഴിഞ്ഞ് പുറത്തിറങ്ങിയപ്പോഴായിരുന്നു ആക്രമിക്കപ്പെട്ടത്.
മേയ് 27-ന് പിണറായി വിജയന്റെ തിരുവനന്തപുരത്തെയും കണ്ണൂരിലെയും വീടുകള് ഉള്പ്പെടെ 12 ഇടങ്ങളിലാണ് ഇഡി ഒരേസമയം റെയ്ഡ് നടത്തിയത്. തിരുവനന്തപുരത്തെ പിണറായിയുടെ വാടക വീട്ടില് 8 മണിക്കൂറോളം പരിശോധന നീണ്ടുനിന്നു.
ജന്മഭൂമി ഓണ്ലൈന്