കണ്ണൂര്: ദൃശ്യകലയിലൂടെ സാമൂഹ്യ പാരിസ്ഥിതിക പ്രശ്നങ്ങളെ നെഞ്ചേറ്റിയുള്ള ഒരു പരിസ്ഥിതി ചിത്രവുമായി പ്രശസ്ത ചിത്രകാരനും പരിസ്ഥിതി പ്രവര്ത്തകനുമായ സുരേന്ദ്രന് കൂക്കാനം. അദ്ദേഹം കഥയെഴുതി സംവിധാനം ചെയ്യുന്ന പരിസ്ഥിതി സിനിമയ്ക്ക് ”പോത്” എന്നാണ് പേരിട്ടിരിക്കുന്നത്. കുന്ന് നായകനും വയല് നായികയുമാകുന്ന സിനിമയാണിത്. പോയകാലത്തെ മിത്തുകളും ജീവിതങ്ങളും ഇക്കാലത്ത് നമ്മള് അനുഭവിച്ചുകൊണ്ടിരിക്കുന്ന കഥാപാത്രങ്ങളും സുരേന്ദ്രന് കൂക്കാനത്തിന്റെ ചിത്രങ്ങളും ശില്പ്പങ്ങളും തന്നെയാണ്. അലകേരളമാണ് സിനിമ അവതരിപ്പിക്കുന്നത്. ശിവകുമാര് കാങ്കോല്, സത്യനേശന് എന്നിവരാണ് സഹസംവിധാനം. ജലീല് ബാദുഷ ഛായാഗ്രഹണം, ചന്ദ്രന് കല്ലത്ത് തിരക്കഥ, സംഭാഷണം, സുരേഷ് എം സ്റ്റില് ഫോട്ടോസ്, മനോജ്കുമാര് പ്രൊഡക്ഷന് എക്സ്ക്യൂട്ടീവ് എന്നീവരാണ് സിനിമയുടെ അണിയറയില് പ്രവര്ത്തിക്കുന്നത്. പുതുമുഖം ശരത് സുരേന്ദ്രന് പ്രധാന കഥാപാത്രത്തെ അവതരിപ്പിക്കും. തമ്പാന് കൊടക്കാട്, വത്സന് പിലിക്കോട്, കരിവെള്ളൂര് രാജന്, സുമിത്രാ രാജന് തുടങ്ങിയവര് മറ്റുകഥാപാത്രങ്ങളെയും അവതരിപ്പിക്കും. സുരേന്ദ്രന് കൂക്കാനത്തിന്റെ ശില്പങ്ങളും ചിത്രങ്ങളും കൈമാറി കിട്ടുന്ന തുകയാണ് ചിത്രത്തിന്റെ നിര്മ്മാണത്തിനുപയോഗിക്കുന്നത്. ചിത്രകൈമാറ്റത്തിന്റെ ഔപചാരിക ഉദ്ഘാടനം മെയ് 5ന് കാസര്ഗോഡ് പ്രസ്ക്ലബ്ബില് മികച്ച നടനുള്ള സംസ്ഥാന അവാര്ഡ് നേടിയ ഇന്ദ്രന്സ് ഏറ്റുവാങ്ങിക്കൊണ്ട് നിര്വ്വഹിക്കും. വാര്ത്താ സമ്മേളനത്തില് സുരേന്ദ്രന് കൂക്കാനം, ശിവകുമാര് കാക്കോല്, മനോജ് കാന, ജലീല് ബാദുഷ, ചന്ദ്രന് കല്ലത്ത് എന്നിവര് പങ്കെടുത്തു.
പരിസ്ഥിതി ചിത്രവുമായി സുരേന്ദ്രന് കൂക്കാനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.