കോട്ടയം: അസംഘടിത മേഖലയിലെ തൊഴിലാളികള്ക്കുവേണ്ടി കേന്ദ്രസര്ക്കാര് പ്രഖ്യാപിച്ച സാമൂഹിക സുരക്ഷാ പദ്ധതിയായ ഇഎസ്ഐ എത്രയും വേഗം നടപ്പിലാക്കണമെന്ന് ബിഎംഎസ് സംസ്ഥാന സമിതിയംഗം കെ.എന്.മോഹനന് ആവശ്യപ്പെട്ടു.
കോട്ടയം ജില്ലാ നിര്മ്മാണ തൊഴിലാളി സംഘം ജില്ലാ വാര്ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. നിര്മ്മാണ പ്രവര്ത്തനങ്ങള്ക്ക് ആവശ്യമായ വസ്തുക്കളുടെ ലഭ്യത ഉറപ്പാക്കുന്നതിനും വിലക്കയറ്റം നിയന്ത്രിക്കുന്നതിനും നടപടി സ്വീകരിച്ചില്ലെങ്കില് ശക്തമായ പ്രക്ഷോഭ പരിപാടികള് നടത്തുമെന്ന് അദ്ദേഹം പറഞ്ഞു. നിര്മ്മാണ തൊഴിലാളി ക്ഷേമബോര്ഡില് നിന്ന് ലഭിച്ചുകൊണ്ടിരിക്കുന്ന ആനുകൂല്യങ്ങള് കാലോചിതമായി വര്ദ്ധിപ്പിക്കണമെന്നും ക്ഷേബോര്ഡിന്റെ പ്രവര്ത്തനം കാര്യക്ഷമമാക്കണമെന്നും യോഗം പ്രമേയത്തിലൂടെ ആവശ്യപ്പെട്ടു.
യൂണിയന് പ്രസിഡന്റ് വി.എസ്.പ്രസാദ് അദ്ധ്യക്ഷനായി. കെ.എം.ഗോപി, കെ.ബാബു, മനോജ് മാധവന് എന്നിവര് സംസാരിച്ചു. കെ.എംഗോപി(പ്രസി.), കെ.ജി.രമാദേവി(ജന.സെക്രട്ടറി), ജോസ് ജോര്ജ്ജ്(ട്രഷറര്)എന്നിവരടങ്ങുന്ന 21അംഗ പ്രവര്ത്തക സമിതിയെ തെരഞ്ഞെടുത്തു.
