ആലപ്പുഴ: ആത്മഹത്യ ചെയ്ത വ്യാപാരി ബിജുരാജിന്റെ കുടുംബത്തിന് നഷ്ടപരിഹാരവും സര്ക്കാര് ജോലിയും നല്കണമെന്ന് ആവശ്യപ്പെട്ട് വ്യാപാരി വ്യവസായി ഏകോപന സമിതിയുടെ നേതൃത്വത്തില് ഇന്ന് മാവേലിക്കര താലൂക്കില് ഇന്ന് പകല് ഹര്ത്താല് ആചരിക്കും. സെയില് ടാക്സ് ഉദ്യോഗസ്ഥരുടെ നിരന്തരമായ പീഢനം മൂലമാണ് ബിജുരാജ് മരിച്ചത്. കുറ്റക്കാര്ക്കെതിരെ കര്ശന നടപടികള് എടുക്കണമെന്നാവശ്യപ്പെട്ടും അദ്ദേഹത്തിന്റെ കുടുംബത്തിന് 25 ലക്ഷം രൂപ നഷ്ടപരിഹാരവും ഭാര്യക്ക് സര്ക്കാര് ജോലിയും നല്കണമെന്നാവശ്യപ്പെട്ട് വില്പന നികുതി ഓഫീസിന് മുമ്പില് ധര്ണ്ണയും നടത്തും. ഈ ആവശ്യങ്ങള് ഉന്നയിച്ച് മുഖ്യമന്ത്രി, ധനമന്ത്രി എന്നിവര്ക്ക് നിവേദനം നല്കിയതായി വ്യാപാരി വ്യവസായി ഏകോപന സമിതി ജില്ലാ ജനറല് സെക്രട്ടറി വി.സബില്രാജ് അറിയിച്ചു. ധര്ണ്ണ സംസ്ഥാന ജനറല് സെക്രട്ടറി രാജു അപ്സര ഉല്ഘാടനം ചെയ്യും.
മാവേലിക്കരയില് ഇന്ന് വ്യാപാരിഹര്ത്താല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.