പിലാത്തറ: ശാരീരിക വെല്ലുവിളികളെ മനോബലം കൊണ്ട് നേരിട്ട് ജീവിതവിജയം നേടി മാതൃകമായ 11 പേരെ പിലാത്തറ ഹോപ്പ് ചാരിറ്റബിള് ട്രസ്റ്റും ഹോപ്പ് ലൈബ്രറിയും ചേര്ന്ന് പുരസ്കാരം നല്കി ആദരിക്കുന്നു. ഞായറാഴ്ച പത്തു മണിക്ക് ഹോപ്പ് വില്ലേജില് നടക്കുന്ന ‘ജ്യോതിസ് 2018 ‘ പുരസ്കാര സമര്പ്പണ സമ്മേളനം മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്യും. ടി.വി.രാജേഷ് എംഎല്എ അധ്യക്ഷത വഹിക്കും. പ്രൊഫ: മുഹമ്മദ് അഹമ്മദ് മുഖ്യ പ്രഭാഷണം നടത്തും. സുനിതാ തൃപ്പാണിക്കര (കുഞ്ഞിമംഗലം), ഡോ: ശ്യാം പ്രസാദ് (അസി.പ്രൊഫസര്, കേന്ദ്ര സര്വ്വകലാശാല, കാസര്ഗോഡ്), ഷിഹാബുദ്ദീന് പുക്കോട്ടൂര് (മോട്ടീവേറ്റീവ് സ്പീക്കര്), മഹേഷ് കുമാര് വിസ്ഡം, ഡോ: ലൈസ് ബിന് മുഹമ്മദ് (ഡോ: ബിന്സ് ആയുര്വ്വേദിക് ഫാര്മസ്യൂട്ടിക്കല് കമ്പനി സാരഥി), ഡോ:ലത മോഹന് (പരിയാരം മെഡിക്കല് കോളേജ് നേത്ര വിഭാഗം വകുപ്പ് മേധാവി), കണ്മണി (കാലുകൊണ്ട് പരീക്ഷയെഴുതി എല്ലാ വിഷയങ്ങള്ക്കും എ പ്ലസ് നേടി, സംഗീതത്തില് സംസ്ഥാന കലോത്സവത്തില് ഒന്നാം സ്ഥാനം), എം.വി.ഗായത്രി കൃഷ്ണന് (യുവപ്രതിഭ, സിഎ. വിദ്യാര്ത്ഥിനി ), കെ.വൈശാഖ് (മാടായി കോളേജ് യൂനിയന് സെക്രട്ടറി), സന്തോഷ് മാളിയേക്കല് (കേരള വീല് ചെയര് റൈറ്റ്സ് ഫെഡറേഷന് സംഘാടകന്) എം.എം.ചാക്കോ (മലബാര് റീഹാബിലിറ്റേഷന് ചാരിറ്റബിള് ട്രസ്റ്റ് ചെയര്മാന്) എന്നിവരെയാണ് ആദരിക്കുന്നത്.
പത്രസമ്മേളനത്തില് കെ.എസ്.ജയമോഹന്, എം.പി.മധുസൂദനന്, ഇ.കുഞ്ഞിരാമന്, പ്രൊഫ: വൈ.വി.സുകുമാരന്, വി.മാധവന് എന്നിവര് പങ്കെടുത്തു.
