കണ്ണൂര്: കണ്ണൂര്, കാസര്കോട് ജില്ലകളിലെ സംവിധായകരുടെയും മുഖ്യ സഹസംവിധായകരുടെയും കൂട്ടായ്മായ നോര്ത്ത് മലബാര് ഫിലിം ഡയരക്റ്റേഴ്സ് ക്ലബ്ബിന്റെ ഉദ്ഘാടനം ഏപ്രില് ആദ്യവാരം പയ്യന്നൂരില് നടക്കും. ഉദ്ഘാടനത്തോടനുബന്ധിച്ച് മലയാള സിനിമയുടെയും ഉത്തര മലബാറിലെ സിനിമാ പ്രവര്ത്തകരുടെയും ആധികാരിക വിവരങ്ങള് ഉള്ക്കൊള്ളുന്ന സോവനീര് പ്രസിദ്ധീകരിക്കും. വാര്ത്താസമ്മേളനത്തില് ക്ലബ്ബ് ഭാരവാഹികളായ പി.വി.ഗോവിന്ദന്, ശ്രീജിത്ത് പാലേരി, ദിരീഷ് കുന്നുമ്മല്, ടി.കെ.സന്തോഷ്, ജിനേഷ് കുമാര് എരമം തുടങ്ങിയവര് സംബന്ധിച്ചു.
മേഖലാ കണ്വെന്ഷന് നാളെ
കണ്ണൂര്: കണ്സ്ട്രക്ഷന് എക്യപ്മെന്റ് ഓണേഴ്സ് വെല്ഫെയര് അസോസിയേഷന് കണ്ണൂര് മേഖലാ കണ്വെന്ഷന് നാളെ രാവിലെ 10.30 ന് കണ്ണൂര് ജവാഹര് ഓഡിറ്റോറിയത്തില് നടക്കും. സംസ്ഥാന ജനറല് സെക്രട്ടറി കാടാച്ചിറ ബാബു ഉദ്ഘാടനം ചെയ്യും. കെ.കെ.മമ്മു അധ്യക്ഷത വഹിക്കും. എം.കെ.നിഷാന്ത്, വി.കെ.സജയ്, പി.കെ.ഷാജി, ജി.സന്തോഷ്, കെ.കെ.മമ്മു എന്നിവര് വാര്ത്താസമ്മേളനത്തില് സംബന്ധിച്ചു.
