കണ്ണൂര്: സൈന് പ്രിന്റിങ്ങ് ഇന്റസ്ട്രീസ് അസോസിയേഷന് ജില്ലാ സമ്മേളനം 4 ന് കണ്ണൂര് ശിക്ഷക് സദനില് നടക്കുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു.
രാവിലെ 9 മണിക്ക് സമ്മേളനം ആരംഭിക്കും. ഫ്രീഡംഫ്രം വേസ്റ്റ് എന്ന വിഷയത്തില് കണ്ണൂര് ശുചിത്വമിഷന് അസി .കോ-ഓര്ഡിനേറ്റര് സുരേഷ് കസ്തൂരി ക്ലാസ്സെടുക്കും. കോര്പ്പറേഷന് മേയര് ഇ.പി.ലത ചടങ്ങില് മുഖ്യാതിഥിയായി പങ്കെടുക്കും. അസോസിയേഷന് ജില്ലാ പ്രസിഡണ്ട് കെ.മനോഹരന്, സെക്രട്ടറി എം.വി.പ്രസാദ് എന്നിവര് സംസാരിക്കും. വിവിധ മേഖലകളില് കഴിവ് തെളിയിച്ചവരേയും കേന്ദ്ര-സംസ്ഥാന അവാര്ഡ് ജോതാക്കളേയും സമ്മേളനത്തില്വെച്ച് ആദരിക്കും. സംസ്ഥാന സെക്രട്ടറി നാരായമന് മോഹനന്, ജില്ലാ വ്യവസായ കേന്ദ്രം ജനറല് മാനേജര് കെ.ടി.അബ്ദുള് മജീദ്, ചേംമ്പര് ഓഫ് കൊമേഴ്സ് പ്രസിഡണ്ട് ത്രിവിക്രമന്, ദേവസ്യമേച്ചേരി, വി.ഗോപിനാഥന്, കെ.പ്രകാശന് എന്നിവര് വിശിഷ്ടാതിഥികളായി പങ്കെടുക്കും.
ജില്ലാ ഭരണകൂടത്തിന്റെ ഗ്രീന് പ്രോട്ടോകോളിന് അസോസിയേഷന് സമ്പൂര്ണ്ണ പിന്തുണ പ്രഖ്യാപിക്കുന്നതായും ഭാരാവാഹികള് പറഞ്ഞു. വാര്ത്താ സമ്മേളനത്തില് ജില്ലാ പ്രസിഡണ്ട് കെ.മനോഹരന്, സെക്രട്ടറി എം.വി.പ്രസാദ്, വൈസ് പ്രസിഡണ്ട് കാവ്യേഷ് പുന്നാട്, രജില്രാജ്, സുകേഷ്ബാബു എന്നിവര് പങ്കെടുത്തു.
