ന്യൂദല്ഹി: കാര്ഷിക മേഖലയില് വന് കുതിപ്പിന് പദ്ധതി തയാറാക്കി കേന്ദ്ര ബജറ്റ്. അരുണ് ജെയ്റ്റ്ലി അവതരിപ്പിച്ച ബജറ്റില് കര്ഷകക്ഷേമത്തിനും കൃഷിരക്ഷയ്ക്കും വന് പ്രധാന്യം.
ഗ്രാമീണ സമ്പദ്വ്യവസ്ഥ മെച്ചപ്പെടുത്തുക, കാര്ഷിക വളര്ച്ച സാക്ഷാത്കരിക്കുക, അടിസ്ഥാന സൗകര്യ വികസനം സര്വ്വ മേഖലയിലും നടപ്പാക്കുക, മുതിര്ന്ന പൗരന്മാരുടെ പരിരക്ഷയ്ക്ക് വേണ്ടതു ചെയ്യുക, വിദ്യാഭ്യാസ നിലവാരം കൂടുതല് മെച്ചപ്പെടുത്തുക എന്നിവയാണ് പ്രധാന പൊതു ലക്ഷ്യങ്ങള്.
വിളകള്ക്ക് താങ്ങുവില നിലവിലുള്ളതിന്റെ ഒന്നര ഇരട്ടി കൂട്ടും. ഉല്പ്പാദന ചെലവിന്റെ അനുപാതത്തിലായിരിക്കും ഇത്. ഗ്രാമീണ വിപണന ചന്തകളില് സൗകര്യം മെച്ചപ്പെടുത്തും. പ്രധാനമന്ത്രി തൊഴില്ദാന പദ്ധതി പ്രകാരം നടപ്പാക്കം. ഇടനിലക്കാരെ ഒഴിവാക്കി കര്ഷകന് പരമാവധി നേട്ടമുണ്ടാക്കിിക്കൊടുക്കും.
