തലശ്ശേരി: തീരത്ത് നിന്നും 5 നോട്ടിക്കല് മൈല് അകലത്തിനുള്ളില് ബോട്ടുകള് മീന് പിടിക്കാന് പാടില്ലെന്ന കടല് നിയമം ലംഘിച്ച് കരവലി എന്ന മത്സ്യബന്ധനം നടത്തിയതിന് മൂന്ന് ബോട്ടുകള് തലായി തീരദേശ പോലീസ് ഉദ്യോഗസ്ഥര് പിടിച്ചെടുത്തു. കോഴിക്കോട്ടെ പുതിയാപ്പ, മാഹി ചോമ്പാല് സ്വദേശികളുടെ ബോട്ടുകളാണ് സിഐ പ്രദീപന് കണ്ണിപ്പൊയില്, എസ്ഐമാരായ വ്രജനാഥ്, സുനില്കുമാര്, ജയപ്രകാശ്, രാജേഷ് എന്നിവരുടെ നേതൃത്വത്തില് അടുത്ത ദിവസങ്ങളിലായി പിടികൂടിയത്. ഇവ പിന്നീട് ഫിഷറീസ് വകുപ്പിന് കൈമാറി. കസ്റ്റഡിയിലെടുത്തവയില് ഒന്ന് ഉടമയെത്തി പിഴ ഒടുക്കിയ ശേഷം മോചിപ്പിച്ചു. കസ്റ്റഡിയിലെടുക്കുമ്പോള് ബോട്ടിലുണ്ടാവുന്ന മത്സ്യം ഉദ്യോഗസ്ഥര് ലേലം ചെയ്ത് വില്ക്കുകയും ഇങ്ങനെ ലഭിക്കുന്ന പണത്തിന്റെ നാലിരട്ടി തുകയാണ് പിഴ അടക്കേണ്ടത്. തലശ്ശേരി കടല് മേഖലയിലിപ്പോള് തലായി തീരദേശ പോലിസ് നിരീക്ഷണ ബോട്ട് രാപ്പകല് പെട്രോളിംഗ് നടത്തി വരുന്നുണ്ട്.
കടല് നിയമം ലംഘിച്ച് കരവലി നടത്തിയ 3 ബോട്ടുകള് കസ്റ്റഡിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.