കൊല്ലം: കീഴ്വഴക്കങ്ങള് ലംഘിച്ച സുപ്രീം കോടതിയിലെ നാല് മുതിര്ന്ന ജഡ്ജിമാരുടെ നടപടി ജനാധിപത്യത്തേയും കോടതി സംവിധാനങ്ങളേയും തകര്ക്കാനുള്ള കമ്മ്യൂണിസ്റ്റ് പാര്ട്ടികളുടെ ഗൂഢാലോചനയുടെ ഫലമാണെന്ന് ഭാരതീയ അഭിഭാഷക പരിഷത്ത് ദേശീയ സെക്രട്ടറി അഡ്വ. ആര്. രാജേന്ദ്രന്.
ചീഫ് ജസ്റ്റിസ് ദീപക് മിശ്രയെ ഇംപീച്ച് ചെയ്യാന് നടപടി സ്വീകരിക്കുമെന്ന സിപിഎം ജനറല് സെക്രട്ടറി സീതാറാം യെച്ചൂരിയുടെ പ്രസ്താവനയും ജസ്റ്റിസ് ചെലമേശ്വറിനെ വീട്ടില് സന്ദര്ശിച്ച സിപിഐ നേതാവ് ഡി. രാജയുടെ നടപടിയും വിരല് ചൂണ്ടുന്നത് അതിലേക്കാണ്.
കമ്മ്യൂണിസ്റ്റ് പാര്ട്ടികള് എന്നും ജനാധിപത്യത്തിനും നീതിന്യായ സംവിധാനത്തിനും എതിരാണ്. ഇന്ത്യയിലെ കോടതികളെ ബൂര്ഷ്വാ കോടതികളെന്ന് പരസ്യമായി ആക്ഷേപിച്ചവരാണ് കമ്മ്യൂണിസ്റ്റുകാര്. അദ്ദേഹം കുറ്റപ്പെടുത്തി.
