പനാജി: ഗോവയില് അമോണിയ വാതകം കയറ്റിവന്ന ടാങ്കര് ലോറി മറിഞ്ഞതിനെ തുടര്ന്ന് നൂറിലധികം കുടുംബങ്ങളെ ഒഴിപ്പിച്ചു. പനാജി-വാസ്കോ സിറ്റി ഹൈവേയില് വെള്ളിയാഴ്ച പുലര്ച്ചെ 2.45നാണ് ടാങ്കര് മറിഞ്ഞത്.
അപകടത്തെ തുടര്ന്ന് ടാങ്കറില്നിന്ന് ചോര്ന്ന വാതകം പ്രദേശത്ത് പടരുകയായിരുന്നു. ഉടന്തന്നെ സമീപപ്രദേശത്തെ വീടുകളില്നിന്ന് ആളുകളെ പോലീസ് ഒഴിപ്പിച്ചു. വിഷവാതകം നിര്വീര്യമാക്കാനുള്ള നടപടികള് പുരോഗമിക്കുകയാണ്.
