വര്ക്കല: ഗുരുദേവ പ്രതിമാ പ്രതിഷ്ഠാ കനക ജൂബിലി വര്ഷികം പ്രമാണിച്ച് ശിവഗിരി മഹാസമാധിയില് അഭിഷേകവും വിശേഷാല് പൂജകളും വിശ്വശാന്തി യജ്ഞവും നടന്നു. പുലര്ച്ചെ കര്മ്മങ്ങള് നടത്തിയ ശേഷം മൂന്ന് മണിയോടെ ബ്രഹ്മകലശം ധര്മ്മ സംഘം ട്രസ്റ്റ് ജനറല് സെക്രട്ടറി സ്വാമി സാന്ദ്രാനന്ദ ഏറ്റുവാങ്ങി. കലശം ശിരസിലേറ്റിയ സ്വാമി സാന്ദ്രാനന്ദ, ധര്മ്മ സംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ, സ്വാമി അമേയാനന്ദ, സ്വാമി വിഖ്യാതാന്ദ എന്നിവരുടെ നേതൃത്വത്തില് വൈദിക മഠം, ബോധാനന്ദ സ്വാമി സമാധി മന്ദിരം എന്നിവിടങ്ങളില് പ്രദക്ഷിണം നടത്തിയ ശേഷം ബ്രഹ്മകലശം മഹാസമാധിയില് എത്തിച്ചു. തുടര്ന്ന് വിശേഷാല് പൂജ, സമൂഹപ്രാര്ത്ഥന എന്നിവക്ക് ശേഷം സ്വാമി വിശുദ്ധാനന്ദയും പറവൂര് രാകേഷ് തന്ത്രിയും ചേര്ന്ന് മഹാസമാധിയില് കലശാഭിഷേകം നടത്തി. പുലര്ച്ചെ മുതല് ആയിരക്കണക്കിന് ഭക്തജനങ്ങള് കലശാഭിഷേകത്തിനും സമൂഹ പ്രാര്ത്ഥനയിലും പങ്കെടുത്തു.
മഹാസമാധിയില് വിശേഷാല് പൂജകളും വിശ്വശാന്തി യജ്ഞവും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.