കൊല്ലം: ജില്ലയില് കുടിവെള്ളക്ഷാമം നേരിടുന്ന എല്ലാ സ്കൂളുകളുടേയും വിവരശേഖരണം നടത്തി പരിഹാരനടപടി സ്വീകരിക്കാന് ജില്ലാ വികസനസമിതി യോഗം തീരുമാനിച്ചു. സ്കൂളുകളുടെ പട്ടിക തയ്യാറാക്കി അടിയന്തരമായി കൈമാറാന് യോഗത്തില് അധ്യക്ഷനായ ജില്ലാ കളക്ടര് ഡോ.എസ്.കാര്ത്തികേയന് വിദ്യാഭ്യാസ ഡെപ്യൂട്ടി ഡയറക്ടറെ ചുമതലപ്പെടുത്തി. പി.അയിഷാപോറ്റി എംഎല്എയാണ് സ്കൂളുകളിലെ കുടിവെള്ള പ്രശ്നം ഉന്നയിച്ചത്. പകര്ച്ചരോഗപ്രതിരോധ പ്രവര്ത്തനങ്ങള് ഊര്ജിതമാക്കാനും ജില്ലാവികസനസമിതി തീരുമാനിച്ചു. ചികിത്സയ്ക്ക് ആരോഗ്യവകുപ്പ് നപടി സ്വീകരിക്കുമ്പോള് രോഗവ്യാപനം തടയുന്നതിനുള്ള പ്രവര്ത്തനങ്ങളില് മറ്റു വകുപ്പുകള് പങ്കുചേരണം. ജില്ലയുടെ ചുമതല വഹിക്കുന്ന മന്ത്രി ജെ.മേഴ്സിക്കുട്ടിയമ്മയുടെ നേതൃത്വത്തില് പകര്ച്ച രോഗപ്രതിരോധ നടപടികളുമായി ബന്ധപ്പെട്ട് ജനുവരി ആദ്യവാരം വിപുലമായ യോഗം ചേരും. പുലമണ് തോടിന്റെ കയ്യേറ്റം ഒഴിപ്പിക്കുന്നതിന് തഹസീല്ദാര് വിശദമായ റിപ്പോര്ട്ട് നല്കണം. ജില്ലയിലെ നിര്മാണം മുടങ്ങിയ ജലവിതരണപദ്ധതികളും വൈദ്യുതിമേഖലയിലെ വികസന പ്രവര്ത്തനങ്ങളും പുനരാരംഭിക്കണമെന്ന് കൊടിക്കുന്നില് സുരേഷ് എം.പി യുടെ പ്രതിനിധി ആവശ്യപ്പെട്ടു.
ജില്ലയിലെ കുടിവെള്ളക്ഷാമം നേരിടാന് ത്വരിതനടപടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.