പുനലൂര്: കൊല്ലം-ചെങ്കോട്ട റെയില്വെ ബ്രോഡ്ഗേജ് പാതയുടെ നിര്മാണം ദ്രുതഗതിയില് പുരോഗമിക്കുന്നു. ട്രാക്കിന്റെ പണി 90ശതമാനം പൂര്ത്തിയായി. ജനുവരി അവസാനത്തോടെ സര്വീസ് ആരംഭിക്കാനാണ് തീരുമാനമെങ്കിലും ട്രാക്കിന് സമീപത്തെ മറ്റ് നിര്മാണ പ്രവര്ത്തനങ്ങള് പൂര്ത്തീകരിക്കാനുണ്ട്. അതിനാല് സര്വീസ് ആരംഭിക്കുന്ന കാര്യത്തില് അനിശ്ചിതത്വം തുടരുന്നു.
കഴുതുരുട്ടി എംഎസ്എല് വയേഡറ്റില് കോണ്ക്രീറ്റ് ആര്ച്ച്കളുടെ നിര്മാണ പ്രവര്ത്തനങ്ങള് രാത്രി-പകല് ഭേദമന്യേ നടക്കുന്നു. ചില സ്ഥലങ്ങളില് അലൈമെന്റുകള് മാറ്റിയിട്ടുണ്ട്.
കൂടാതെ വളവുകളില് ഇരട്ടപാളം, മൂന്നുലയര് മെറ്റല് പാക്കിംഗ്, ഓട തെളിക്കല്, വനം വകുപ്പിന്റെ അനുമതി വാങ്ങി ട്രാക്കിന് സമീപത്തെ മരംമുറിച്ചു മാറ്റല്, ഇരുമ്പ് ആര്ച്ചുകള്ക്ക് ഇടയില് പാറയടുക്കി ഗാര്ഡിയന് ഭിത്തി നിര്മാണം, യാത്രക്കാര്ക്ക് പാര്ക്കിംഗ് ഗ്രൗണ്ട് നിര്മാണം ഇങ്ങനെ നിരവധി പ്രവര്ത്തനങ്ങള് പൂര്ത്തിയാകാനുണ്ട്. കഴുതുരുട്ടി എംഎസ് എല്ലില് തുരങ്ക നിര്മാണത്തിന്റെ ഭാഗമായി കൂറ്റന് പാറ ട്രാക്കില് വീണത് നിര്മാണത്തെ കാര്യമായി ബാധിച്ചു. ഇതെല്ലാം പൂര്ത്തീകരിച്ച് സര്വ്വീസ് ആരംഭിക്കണമെങ്കില് മാര്ച്ച് അവസാനമാകുമെന്ന് ജീവനക്കാര് പറഞ്ഞു.
