കണ്ണൂര്: റുഡ്സെറ്റ് ഇന്സ്റ്റിറ്റിയൂട്ട് 18 നും 45 വയസ്സിനും ഇടയില് പ്രായമുള്ള യുവതീ യുവാക്കള്ക്ക് ഒരു മാസത്തെ മ്യൂറല് പെയിന്റിംഗ് സൗജന്യ പരിശീലനം നല്കുന്നു. പരിശീലന വേളയില് ഭക്ഷണവും താമസവും പൂര്ണമായും സൗജന്യമാണ്. സംരംഭകത്വ കഴിവുകള്, പ്രൊജക്റ്റ് റിപ്പോര്ട്ട് തയ്യാറാക്കല്, എന്റര്െ്രെപസ് മാനേജ്മെന്റ്, ബാങ്ക് വായ്പ്പാ മാര്ഗനിര്ദേശങ്ങള്, തുടങ്ങിയ വിഷയങ്ങളും പരിശീലന പരിപാടിയില് ഉള്പ്പെടുത്തിയിരിക്കുന്നു.
പരിശീലനത്തില് പങ്കെടുക്കാന് താല്പര്യമുള്ള കണ്ണൂര്, കാസറഗോഡ്, വയനാട്, മാഹി ജില്ലകളിലെ യുവതിയുവാക്കള് പേര്, വയസ്സ്, മേല്വിലാസം, ഫോണ് നമ്പര് എന്നിവ കാണിച്ച് ഡയറക്ടര്, റൂഡ്സെറ്റ് ഇന്സ്റ്റിറ്റിയൂട്ട്, പി.ഒ.കാഞ്ഞിരങ്ങാട്, കരിമ്പം (വഴി), കണ്ണൂര്-670142 എന്ന വിലാസത്തില് ജനുവരി 6ന് മുമ്പായി അപേക്ഷിക്കണം. ബിപിഎല് വിഭാഗത്തില്പെട്ടവര്ക്കും താമസിച്ചു പഠിക്കാന് താല്പര്യപ്പെടുന്നവര്ക്കും മുന്ഗണന ഉണ്ടായിരിക്കും. ഇന്റര്വ്യൂ ജനുവരി 13ന്. ജനുവരി 20ന് പരിശീലനം ആരംഭിക്കും. ഓണ് ലൈനായി അപേക്ഷിക്കാന് സന്ദര്ശിക്കുക ംംം.ൃൗറലെ.േരീാ. കൂടുതല് വിവരങ്ങള്ക്ക് ബന്ധപെടുക ഫോണ്: 0460-2226573/8129620530/9961336326/8547325448/8547682411
കണ്ണൂര് ജില്ലയില്, കാഞ്ഞിരങ്ങാട് സ്ഥിതി ചെയ്യുന്ന ഈ സ്ഥാപനം 1985 ല് പ്രവര്ത്തനം ആരംഭിച്ചു. കേന്ദ്ര ഗ്രാമ വികസന മന്ത്രാലയത്തിന്റെ കീഴില് കാനറാബാങ്ക്, സിണ്ടിക്കേറ്റ് ബാങ്ക്, ധര്മ്മസ്ഥല എസ്ഡിഎംഇ ട്രസ്റ്റിന്റെയും സഹകരണത്തോടെ പ്രവര്ത്തിക്കുന്ന ഈ സ്ഥാപനം 18 നും 45 നും ഇടയില് പ്രായമുള്ള യുവതീ യുവാക്കള്ക്ക് വിവിധ മേഖലകളില് ഭക്ഷണവും താമസവും ഉള്പ്പടെ പൂര്ണമായും സൗജന്യമായി സംരംഭകത്വ വികസന പരിശീലനം നല്കിവരുന്നു. കണ്ണൂര്, കാസര്ഗോഡ്, വയനാട് ജില്ലകള് കൂടാതെ മാഹിയുമാണ് ഈ സ്ഥാപനത്തിന്റെ പ്രവര്ത്തന മേഖല. വിജയകരമായി പരിശീലനം പൂര്ത്തിയായവര്ക്ക് സര്ട്ടിഫിക്കറ്റ് നല്കുന്നതോടൊപ്പം സംരംഭം തുടങ്ങാന് ബാങ്ക് വായ്പ്പയുള്പ്പടെ എല്ലാവിധ സഹായവും നല്കിവരുന്നു.
