ഇരിട്ടി: കാക്കയങ്ങാട് പാല മൂത്തേടത്ത് ത്വരിത കിരാത ക്ഷേത്രത്തിലെ പതിമൂന്നാമത് ഭാഗവത സപ്താഹ യജ്ഞം 24 മുതല് 31 വരെ നടക്കും. പെരികമന ശ്രീനാഥ് നമ്പൂതിരി മുഖ്യകാര്മ്മികത്വം വഹിക്കും. ഇതോടനുബന്ധിച്ച് 24ന് വൈകുന്നേരം കലവറ നിറക്കല് താലപ്പൊലി ഘോഷയാത്ര നടക്കും. തുടര്ന്ന് ആചാര്യവരണം, ഭാഗവത മാഹാത്മ്യ വര്ണ്ണനം എന്നിവ നടക്കും. ഏല്ലാദിവസവും രാവിലെ 6 മണിമുതല് 6.30 വരെ ഭാഗവതപാരായണം, പ്രഭാഷണം, ഗണപതിഹോമം, വിഷ്ണു സഹസ്രനാമ പാരായണം, സമൂഹ പ്രാര്ത്ഥന, വിദ്യാഗോപാല മന്ത്രാര്ച്ചന, സര്വൈശ്വര്യ പൂജ, എന്നിവ നടക്കും. 28ന് കൃഷ്ണാവതാരം, 29 രുഗ്മിണീ സ്വയംവരം, ഘോഷയാത്ര എന്നിവയും 31 ന് യജഞ സമര്പ്പണത്തോടെ സപ്താഹം അവസാനിക്കും.
പ്രതിഷേധ കൂട്ടായ്മ സംഘടിപ്പിച്ചു
ഇരിട്ടി: വായ്പ തിരിച്ചടവ് റിലയന്സിനെ ഏല്പിച്ച സ്റ്റേറ്റ് ബാങ്ക് ഓഫ് ഇന്ത്യയുടെ നടപടിക്കെതിരെ ഓള് ഇന്ത്യ ഫാര്മേഴ്സ് അസോസിയേഷന് ജില്ലാ കമ്മറ്റിയുടെ നേതൃത്വത്തില് ഇരിട്ടിയില് പ്രതിഷേധ പ്രകടനവും എസ്ബിഐ ഇരിട്ടി ബ്രാഞ്ചിന്റെ മുന്പില് പ്രതിഷേധ കൂട്ടായ്മയും നടത്തി. ഇന്ത്യന് നഴ്സസ് പേരന്റ് അസോസിയേഷന് സംസ്ഥാന പ്രസിഡന്റ് ഡോ.സുരേന്ദ്രനാഥ് പ്രതിഷേധ ജ്വാല തെളിയിച്ച് ഉദ്ഘാടനം ചെയ്തു. ഒരു കര്ഷകന്റെയും വായ്പ റിലയന്സ് അടക്കമുള്ള ഗുണ്ടാ കോര്പ്പറേറ്റുകളെകൊണ്ട് ഈടാക്കുവാനോ ജപ്തി ചെയ്യുവാനോ അനുവദിക്കുകയില്ലെന്ന് യോഗം പ്രതിജ്ഞയെടുത്തു. ജില്ലാ പ്രസിഡന്റ് സിബി സെബാസ്റ്റ്യന് അധ്യക്ഷത വഹിച്ചു. തിരുവെള്ളൂര് മുരളി, മേരി അബ്രാഹം, ബിനോയി തോമസ്, രാജീവന് കോളയാട്, ഹംസ പുള്ളാട്ടില്, ടി.ടി.ബേബി, കുര്യാക്കോസ് ആയത്തുംകുടി, ജിമ്മി ഉളിക്കല്, കോയഹാജി, ജോണ് മുല്ലപ്പള്ളി, ജോര്ജ് വെട്ടിക്കാട്ടില്, മാത്യു അരിശ്ശേരി, ലാലി സെബാസ്റ്റ്യന്, ജോര്ജ് പൂന്തോട്ടം എന്നിവര് പ്രസംഗിച്ചു.
