കണ്ണൂര്: കേരളോത്സവം സംസ്ഥാനതല കലാമത്സരങ്ങളുടെ ഉദ്ഘാടനം നാളെ വൈകീട്ട് പാലക്കാട്ട് മന്ത്രി എ.സി.മൊയ്തീന് നിര്വഹിക്കും. കണ്ണൂര് ജില്ലയില് നിന്ന് 300 ഓളം കലാസാഹിത്യ പ്രതിഭകള് ഉള്പ്പെടെ 3000 ത്തോളം പേര് സംസ്ഥാന കേരളോത്സവത്തില് പങ്കെടുക്കും. മത്സരങ്ങളുടെ രജിസ്ട്രേഷന് 21 ന് വൈകുന്നേരം 4 മണി മുതല് പാലക്കാട് വിക്ടോറിയ കോളേജ് ഗ്രൗണ്ടില് നടക്കും. 22ന് രാവിലെ 9 മണി മുതല് മത്സരങ്ങള് ആരംഭിക്കും. ചെണ്ടമേളം, നാടോടിപ്പാട്ട് (ഗ്രൂപ്പ്), നാടോടിനൃത്തം (ഗ്രൂപ്പ്), ക്വിസ്സ് മത്സരം, ഓട്ടന്തുള്ളല്, നാടകം (ഹിന്ദി, ഇംഗ്ലീഷ്), നാടോടിനൃത്തം (സിംഗിള്), നാടോടിപ്പാട്ട് (സിംഗിള്), ചെണ്ട, വായ്പാട്ട് (ഹിന്ദുസ്ഥാനി), കര്ണ്ണാടക സംഗീതം, ലളിതഗാനം, സംഘഗാനം, ദേശഭക്തിഗാനം, ചിത്രരചന, കാര്ട്ടൂണ്, മെഹന്തി ഇടല് എന്നീ മത്സരങ്ങളാണ് 6 വേദികളിലായി നടക്കുന്നത്.
23 ന് വള്ളംകളിപ്പാട്ട്, ഒപ്പന, ദഫ്മുട്ട്, വട്ടപ്പാട്ട്, കോല്ക്കളി, കഥാപ്രസംഗം, നാടകം (മലയാളം), മോഹിനിയാട്ടം, ഭരതനാട്യം, കുച്ചിപ്പുടി, കേരള നടനം, കവിതാലാപനം, പ്രസംഗം (മലയാളം), പ്രസംഗം (ഇംഗ്ലീഷ്, ഹിന്ദി), മദ്ദളം, വയലിന്, വീണ, ഗിത്താര്, സിത്താര്, ഉപന്യാസരചന, കഥാരചന, കവിതാരചന എന്നീ മത്സരങ്ങള് നടക്കും.
24 ന് രാവിലെ 9 മണി മുതല് തിരുവാതിര, സംഘനൃത്തം, മാര്ഗംകളി, മണിപ്പൂരി, കഥക്, ഒഡീസി, മോണോആക്ട്, മിമിക്രി, മൈം, മാപ്പിളപ്പാട്ട്, കഥകളി, തബല, ഫഌട്ട്, മൃദംഗം, ഹാര്മോണിയം, കളിമണ്ശില്പ നിര്മ്മാണം, പുഷ്പാലങ്കാരം എന്നിവയും തുടര്ന്ന് സമാപനച്ചടങ്ങും നടക്കും.
മത്സരാര്ത്ഥികള്ക്ക് താമസം ഉള്പ്പെടുള്ള സൗകര്യങ്ങള് ലഭ്യമാക്കുന്നതിനായുള്ള രജിസ്ട്രേഷന് ഡിസംബര് 21 ന് വൈകുന്നേരം 4 മണി മുതല് 10 മണി വരെയും 22, 23 തീയ്യതികളില് രാവിലെ 6 മണി മുതല് രാത്രി 10 മണി വരെയും 24 ന് രാവിലെ 6 മണി മുതല് അവസാന മത്സരം ആരംഭിക്കുന്നത് വരെയും ഉണ്ടായിരിക്കും.
തലശ്ശേരി പൈതൃക ടൂറിസം പദ്ധതി:
