പയ്യന്നൂര്: സാംസ്കാരിക വകുപ്പിന്റെ കീഴില് പയ്യന്നൂര് ആസ്ഥാനമായി പ്രവര്ത്തിക്കുന്ന കേരള പൂരക്കളി അക്കാദമി വിവിവിധ കേന്ദ്രങ്ങളിലായി 23 മുതല് പൂരക്കളി മഹോത്സവം സംഘടിപ്പിക്കും. 23ന് മണ്ടൂര് അഴീക്കോടന് സ്മാരക കലാകേന്ദ്രത്തില് പി.കെ.ശ്രീമതി എംപി ഉദ്ഘാടനം ചെയ്യും. പി.ടി.മോഹനന്പണിക്കര് കുടക്കാട്, എം.ഗോപാലകൃഷ്ണപണിക്കര് മടിക്കേരി എന്നിവര് മറത്തുകളി അവതരിപ്പിക്കും. അഴീക്കോടന് സ്മാരക കലാകേന്ദ്രം മണ്ടൂര്, പൂരക്കളി പഠനകേന്ദ്രം കുഞ്ഞിമംഗലം തെക്കുമ്പാട്, കുണിയന്പറമ്പത്ത് ഭഗവതി ക്ഷേത്രം, പൂരക്കളി സംഘം എന്നിവയുടെ പൂരക്കണി അരങ്ങേറും. 24ന് രണ്ട്മണിക്ക് തടിയന് കൊവ്വല് മുണ്ടിയ പരിസരത്ത് നടക്കുന്ന സെമിനാര് ഡോ.രാഘവന് പയ്യനാട് ഉദ്ഘാടനം ചെയ്യും. കീച്ചേരി രാഘവന്, ഡോ.ആര്.സി.കരിപ്പത്ത് തുടങ്ങിയവര് പങ്കെടുക്കും. 4 മണിക്ക് എം.രാജഗോപാലന് എംഎല്എ ഉദ്ഘാടനം ചെയ്യും. 6.30ന് പി.പി.മാധവന് പണിക്കര്, കാടാങ്കോട് എം.കുഞ്ഞികൃഷ്ണന് പണിക്കര് എന്നിവര് മറത്തുകളി അവതരിപ്പിക്കും. 5 മണിക്ക് തടിയന് കൊവ്വല് മുണ്ടിയ പൂരക്കളി സംഘം നെല്ലിക്കത്തുരുത്തി കഴകം നീലമംഗലത്ത് ഭഗവതി ക്ഷേത്ര പൂരക്കളി സംഘം എന്നിവ പൂരക്കളി അവതരിപ്പിക്കും. 25ന് മുഴക്കോം ചാലക്കാട്ട് മാടം ചെക്കിപ്പാറ ഭഗവതി ക്ഷേത്ര പരിസരത്ത് നടക്കുന്ന പൂരക്കളി മഹോത്സവം എം.രാജഗോപാലന് എംഎല്എ ഉദ്ഘാടനം ചെയ്യും.
എം.രാജീവന് പണിക്കര് കോയങ്കര, അരയില് ബാബു പണിക്കര് കാഞ്ഞങ്ങാട്, എന്നിവര് മറത്തുകളി അവതരിപ്പിക്കും. ചാലക്കാട് മാടം ചെക്കിപ്പാറ ഭഗവതി ക്ഷേത്രം, പൂരക്കളി സംഘവും മുഴക്കോം നെല്ലിക്കാല് ഭഗവതി ക്ഷേത്രം പൂരക്കളി സംഘവും പൂരക്കളി അവതരിപ്പിക്കും.
