നായാട്ടുപാറ: ഭാരതത്തില് ശക്തമായ ഭരണവും സൈന്യവും നിലവില് വന്നതോടെ ഭാരതത്തിന്റെ ഒരു തരി മണ്ണുപോലും നഷ്ടപ്പെടില്ലെന്ന് ആര്എസ്എസ് പ്രാന്തീയ ഭൗതിക് പ്രമുഖ് കെ.പി.രാധാകൃഷ്ണന് പ്രസ്താവിച്ചു. പൂര്വ്വ സൈനിക് സേവാ പരിഷത്ത് ജില്ലാകമ്മറ്റിയുടെ ആഭിമുഖ്യത്തില് വിജയ് ദിവസ് പരിപാടിയുടെ ഭാഗമായി നായാട്ടുപാറ കെപിസി ഹയര്സെക്കണ്ടറി സ്കൂളില് നടന്ന ദേശരക്ഷാസംഗമത്തില് മുഖ്യ പ്രഭാഷണം നടത്തുകയായിരുന്നു അദ്ദേഹം.
ഭാരതത്തിന് ഇതുവരെ നഷ്ടങ്ങള് മാത്രമേ ഉണ്ടായിട്ടുള്ളൂ. എന്നാല് ശക്തമായ ഭരണകൂടം ഭാരതത്തില് നിലവില് വന്നതോടെ രാജ്യസുരക്ഷ സുശക്തമായിരിക്കുകയാണ്. ഭാരതത്തില് നിന്നും ഇനി ഒരുതരി ഭൂമിപോലും നഷ്ടപ്പെടില്ലെന്നും അദ്ദേഹം പറഞ്ഞു.
നായാട്ടുപാറ കെ.പി.സി. ഹയര്സെക്കണ്ടറി സ്കൂളില് പ്രത്യേകം സജ്ജീകരിച്ച വീര്സൈനിക് സ്വര്ഗ്ഗീയ രതീഷ് വേണു നഗറില് നടന്ന ചങ്ങില് സ്വാഗത സംഘം പ്രസിഡണ്ട് എ.കൃഷ്ണന് അധ്യക്ഷത വഹിച്ചു. സംസ്ഥാന പ്രസിഡണ്ട് കേണല് കെ.രാമദാസ് പരിപാടി ഉദ്ഘാടനം ചെയ്തു. വീര സൈനികരുടെ കുടുംബാംഗങ്ങളെയും മുതിര്ന്ന പൂര്വ്വ സൈനികരെയും ചടങ്ങില് ആദരിച്ചു. പൂര്വ്വ സൈനികരുടെ മക്കള്ക്കുള്ള സമ്മാനദാനം, സ്കോളര്ഷിപ് വിതരണം എന്നിവയുമുണ്ടായി. ജില്ലാ പ്രസിഡണ്ട് പി.ആര്.രാജന്, എ.സി.മനോജ് മാസ്റ്റര്, പി.വി.മനോഹരന്, ഒ.ശോഭന, പി.വി.രാധാകൃഷ്ണന്, കെ.സജീവന്, കെ.മോഹനന് തുടങ്ങിയവര് സംസാരിച്ചു.
