കറാച്ചി: ഭീകരസംഘടനകളോടുള്ള പ്രേമം വെളിപ്പെടുത്തി പാക്കിസ്ഥാന് മുന് പ്രസിഡന്റ് പര്വേസ് മുഷറഫ്. ഇന്ത്യക്കെതിരെ യുദ്ധം പ്രഖ്യാപിച്ചിരിക്കുന്ന ലഷ്കര് ഇ തയ്ബയെ ദേശസ്നേഹമുള്ള സംഘടനയെന്നാണ് മുഷറഫ് ഇന്നലെ പറഞ്ഞത്.
ഇപ്പോള് ദുബായിയില് താമസിക്കുന്ന പാക് മുന് സൈനികമേധാവി കുറച്ചു കാലമായി പാക്കിസ്ഥാനിലെ ഭീകര സംഘടനകളുമായി സഖ്യത്തിനു ശ്രമിക്കുകയാണ്. ലഷ്കര് സ്ഥാപകന് ഹഫീസ് സെയിദിനെ ഏറ്റവും കൂടുതല് പിന്തുണയ്ക്കുന്നത് താനെന്ന് കഴിഞ്ഞ മാസം മുഷറഫ് പ്രസ്താവിച്ചിരുന്നു. മുംബൈ ഭീകരാക്രമണത്തിന്റെ ആസൂത്രകനായ ഹഫീസ് തുടക്കമിട്ട ജമാത്ത്-ഉദ് ദവ എന്ന സംഘടനയെയും മുഷറഫ് വാനോളം പുകഴ്ത്തി.
ലഷ്കറും ജമാത്ത്-ഉദ് ദവയും ദേശസ്നേഹമുള്ള സംഘടനകളാണ്. പാക്കിസ്ഥാനില് അവര്ക്ക് വലിയ ജനപിന്തുണയുണ്ട്, മുഷറഫ് ഇന്നലെ ഒരു മാധ്യമത്തിനു നല്കിയ അഭിമുഖത്തില് പറഞ്ഞു. ഈ സംഘടനകളുമായി സഖ്യമുണ്ടാക്കി പാക്കിസ്ഥാനില് വീണ്ടും രാഷ്ട്രീയ നീക്കത്തിനാണ് മുഷറഫിന്റെ ശ്രമമെന്നാണ് നിരീക്ഷകരുടെ വിലയിരുത്തല്.
പ്രതികരിക്കാൻ ഇവിടെ എഴുതുക: