കണ്ണൂര്: പിഎഫ് പെന്ഷനില് മാന്യമായ രീതിയില് കാലോചിതമായ പരിഷ്കാരങ്ങള് നടത്തണമെന്ന് കേരള സോഷ്യലിസ്റ്റ് എംപ്ലോയീസ് പിഎഫ് ആക്ഷന് കമ്മറ്റി. പിഎഫ് പെന്ഷന് ദിനം പ്രതി 200 രൂപ കണക്കാക്കി 6000 രൂപ മിനിമം പെന്ഷനായി കേന്ദ്രസര്ക്കാര് പ്രഖ്യാപിക്കുക, സര്ക്കാരുകള് സംയുക്തമായി പെന്ഷന് വരിക്കാരുടെ ഇഎസ്ഐ പുനസ്ഥാപിക്കുക തുടങ്ങിയ ആക്ഷന് കമ്മറ്റിയുടെ ആവശ്യങ്ങള് കേന്ദ്ര സംസ്ഥാന ബജറ്റ് സമ്മേളനത്തില് പാസാക്കണമെന്ന് ഭാരവാഹികള് വാര്ത്താസമ്മേളനത്തില് ആവശ്യപ്പെട്ടു. വിവിധ ആവശ്യങ്ങളുന്നയിച്ച് 2018 മാര്ച്ച് ഒന്നിന് ആര് എം എസ് പോസ്റ്റോഫീസിന് മുന്നില് പിഎഫ് പെന്ഷന് വരിക്കാരായ മുതിര്ന്ന പൗരന്മാരില് 101 പേര് 24 മണിക്കൂര് നിരാഹാരസമരം അനുഷ്ഠിക്കും. സമരത്തിന്റെ ഭാഗമായി ഫെബ്രുവരി 25ന് മുമ്പായി 14 ജില്ലകളിലും ജില്ലാ കണ്വീനര്മാരെ നിശ്ചയിക്കുന്നതിന് ജില്ലാ ഭാരവാഹികള് എല്ലാ ജില്ലയിലും പ്രവര്ത്തക കണ്വെന്ഷനും നടത്തും. വാര്ത്താസമ്മേളനത്തില് കൊറ്റിയാല് കൃഷ്ണന്, പള്ളിപ്രം പ്രസന്നന്, ജി.ഗോപിനാഥന് പിള്ള, കെ.കെ.കുഞ്ഞിക്കണ്ണന്, കെ.പി.ശശിധരന് എന്നിവര് പങ്കെടുത്തു.
പിഎഫ് പെന്ഷനില് കാലോചിതമായ പരിഷ്കാരങ്ങള് നടത്തണമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.