മണിമല: കടയുടമയായ സ്ത്രീയുടെ കണ്ണില് മുളക് പൊടി വിതറി സ്വര്ണ്ണമാല കവരാന് ശ്രമിച്ച യുവാവിനെ പോലീസ് അറസ്റ്റ് ചെയ്തു. കരിക്കാട്ടൂര് കോലെഴുത്ത് കലുങ്ക് ഭാഗത്ത് വ്യപരസ്ഥാപനം നടത്തുന്ന മണിമല വില്ലേജില് കരിക്കാട്ടൂര് കരയില് കോലെഴുത്ത് കലുങ്ക് ഭാഗത്ത് കുളപ്പുരയ്ക്കല് പറമ്പില് വീട്ടില് രാജേഷ് ഭാര്യ സുലേഖയുടെ മാലയാണ് കവരാന് ശ്രമിച്ചത്. ഇതുമായി ബന്ധപ്പെട്ട് മണ്ണാറക്കയം കരയില് അഞ്ചലിപ്പ കോളനി ഭാഗത്ത് നിര്മ്മലാ ഭവനില് രഞ്ജിത്ത് രാജു (26)നെ മണിമല പോലീസ് അറസ്റ്റു ചെയ്തു. കടയില് കയറി സാധനങ്ങള് വാങ്ങി ബാക്കി തുക വാങ്ങുന്ന സമയം കൈയില് കരുതിയിരുന്ന മുളക്പൊടി വിതറുകയായിരുന്നു. തുടര്ന്ന് താലിമാല ബലമായി കവരാന് ശ്രമിച്ചു.ബഹളം വച്ചപ്പോള് ഇയാള് ബൈക്കില് കയറി രക്ഷപ്പെട്ടു. വിവരം അറിഞ്ഞ് പോലീസ് പ്രദേശവാസികളുടെയും സമീപസ്ഥലങ്ങളില് സ്ഥാപിച്ചിട്ടുള്ള നിരീക്ഷണ ക്യാമറകളില് നിന്നും ലഭിച്ച ദൃശ്യങ്ങളുടെയും സഹായത്തോടെ പ്രതി സഞ്ചരിച്ചിരുന്ന വാഹനത്തെ സംബന്ധിച്ച് വിവരങ്ങള് ശേഖരിച്ചു. തുടര്ന്ന് വിവിധ സ്ക്വാഡുകളായി തിരിഞ്ഞ് നടത്തിയ അന്വേഷണത്തിലാണ് പ്രതിയെ കണ്ടെത്തിയത് .പെട്ടെന്ന് കാശുണ്ടാക്കുന്നതിനാണ് ് കവര്ച്ചാ ശ്രമം നടത്തിയതെന്ന് പ്രതി പറഞ്ഞതായി പോലീസ് വ്യക്തമാക്കി.
മാല കവരാന് ശ്രമിച്ചയാള് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.