പയ്യന്നൂര്: അശാസ്ത്രീയവും അനാവശ്യവുമായ ജോലിഭാരം അടിച്ചേല്പ്പിക്കുന്ന വിദ്യാഭ്യാസ വകുപ്പിന്റെ നിലപാട് അവസാനിപ്പിക്കണമെന്ന് എന്ടിയു ജില്ലാ കമ്മറ്റി ആവശ്യപ്പെട്ടു. പല വിഷയങ്ങളിലും മാസങ്ങളായി അധ്യാപക തസ്തികകള് ഒഴിഞ്ഞുകിടന്നിട്ടും നിയമനം നടത്താത്ത സര്ക്കാര് നവപ്രഭ, ശ്രദ്ധ തുടങ്ങിയ പേരുകളില് അധ്യയന സമയത്തിനു ശേഷവും കുട്ടികളെ പഠിപ്പിക്കണമെന്ന നിര്ദേശം അശാസ്ത്രീയവും അപക്വവുമാണ്. സിലബസിനു പുറത്ത് വിദ്യാലയവുമായി ബന്ധപ്പെട്ട് ഒട്ടനവധി പ്രവര്ത്തനങ്ങള് ഏറ്റെടുത്ത് നടത്തേണ്ട അവസ്ഥ അധ്യാപകര്ക്കുള്ളപ്പോഴാണ് ഈ അമിതഭാരം അടിച്ചേല്പ്പിക്കുന്നത്. സംസ്ഥാന അധ്യക്ഷന് കെ.എന്.വിനോദ് ഉദ്ഘാടനം ചെയ്തു. ജില്ലാ അധ്യക്ഷന് മനോജ് മണ്ണേരി, സെക്രട്ടറി സി.ഷാജി, സി.കെ.രമേശന്, സി.ഐ.ശങ്കരന്, സഞ്ജീവ് കുമാര് എന്നിവര് സംസാരിച്ചു. ജില്ലാ സമ്മേളനം ജനുവരിയില് ഇരിട്ടിയില് നടത്താന് തീരുമാനിച്ചു. സംഘാടക സമിതി രൂപീകരണം ജനുവരി 9ന് ഇരിട്ടിയില് നടക്കും.
അധ്യാപനഭാരം കുറയ്ക്കുക: എന്ടിയു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.