കണ്ണൂര്: കരിപ്പാല് തറവാട് ക്ഷേത്ര പരിപാലന ട്രസ്റ്റിന്റെ പ്രഥമ മാനവമൈത്രി പുരസ്കാരം ഡോ.എം.പി.ഹസ്സന് കുഞ്ഞിക്ക് നല്കും. ബിസിനസ് രംഗത്തും സാമൂഹിക സേവനരംഗത്തും നല്കിയ സംഭാവനകള് പരിഗണിച്ചാണ് ഡോ.ഹസ്സന് കുഞ്ഞിക്ക് പുരസ്കാരം സമ്മാനിക്കുന്നതെന്ന് സംഘാടകര് വാര്ത്താസമ്മേളനത്തില് അറിയിച്ചു. 11,011 രൂപയും ബാബു കുഞ്ഞിമംഗലം രൂപകല്പന ചെയ്ത വെങ്കലശില്പവുമടങ്ങുന്നതാണ് പുരസ്കാരം. 26ന് കരിപ്പാല് തറവാട് ക്ഷേത്രത്തിന്റെ പ്രതിഷ്ഠാകര്മവും കളിയാട്ട മഹോത്സവത്തിന്റെയും ഭാഗമായി നടക്കുന്ന മതസൗഹാര്ദ്ദ സദസ്സില് പുരസ്കാരം നല്കും. മതസൗഹാര്ദ്ദ സദസ്സ് വൈകീട്ട് നാലിന് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനം ചെയ്യും. മഹോത്സവത്തോടനുബന്ധിച്ച് 25ന് മാതൃസംഗമം കോര്പ്പറേഷന് മേയര് ഇ.പി.ലത ഉദ്ഘാടനം ചെയ്യും. ചലച്ചിത്ര താരം ഊര്മ്മിള ഉണ്ണി വിശിഷ്ടാതിഥിയായിരിക്കും. മാതൃസമാദരണം നടക്കും, 27ന് വിഷ്ണുമൂര്ത്തിയുടെ പപറപ്പാട്, തായ്പരദേവതയുടെ തിരുമുടി ഉയരല് എന്നിവയുണ്ടാകും. വാര്ത്താസമ്മേളനത്തില് സംഘാടകസമിതി ചെയര്മാന് ശിവദാസന് കരിപ്പാല്, കെ.കെ.രാമചന്ദ്രന് മാസ്റ്റര് എന്നിവര് പങ്കെടുത്തു.
മാനവമൈത്രി പുരസ്കാരം ഹസ്സന് കുഞ്ഞിക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.