തിരുവനന്തപുരം: കേരളത്തില് വ്യവസായസ്ഥാപനങ്ങള് ഭൂഗര്ഭജലം അമിതമായി ഉപയോഗിക്കുന്നത് സംബന്ധിച്ച് സംസ്ഥാന ജലവിഭവ മന്ത്രിയുമായി ചര്ച്ച ചെയ്യുമെന്ന് കേന്ദ്ര ജലവിഭവ സഹമന്ത്രി അര്ജ്ജുന് റാംമേഘ്വാള് പറഞ്ഞു.
കേന്ദ്ര ഭൂഗര്ഭ ജലബോര്ഡ് മേഖലാകാര്യാലയത്തിന്റെ പ്രവര്ത്തനങ്ങള് അവലോകനം ചെയ്യാന് ചേര്ന്ന യോഗത്തിലാണ് മന്ത്രി ഇക്കാര്യം അറിയിച്ചത്.
മറ്റു സംസ്ഥാനങ്ങളില് കേന്ദ്ര ഭൂഗര്ഭ ജലബോര്ഡ് നേരിട്ടാണ് വ്യവസായസ്ഥാപനങ്ങള്ക്ക് ഭൂഗര്ഭജലവിനിയോഗത്തിന് അനുമതി നല്കുന്നത്. കേരളത്തില് സംസ്ഥാന ഭൂഗര്ഭജല അതോറിറ്റിക്കാണ്അതിന്റെ ചുമതലയെന്ന് കേന്ദ്ര ഭൂഗര്ഭ ജലബോര്ഡ ്കേരളമേഖല റീജിയണല് ഡയറക്ടര് വി. കുഞ്ഞമ്പു കേന്ദ്രമന്ത്രിയെ അറിയിച്ചു. ഇത്സംബന്ധിച്ച സംസ്ഥാനത്തിന്റെ നിലപാട് സുപ്രീംകോടതിയെ ധരിപ്പിക്കുമെന്നും അദ്ദേഹം വ്യക്തമാക്കി.
കേന്ദ്ര ജല കമ്മീഷന് അസിസ്റ്റന്റ് എക്സിക്യൂട്ടീവ് എന്ജിനീയര് സി അയ്യപ്പന്, ദേശീയജലവികസന അതോറിറ്റി അസിസ്റ്റന്റ് എന്ജിനീയര് രാജലക്ഷ്മി എന്നിവരും മറ്റു ഉന്നത ഉദ്യോഗസ്ഥരും അവലോകനയോഗത്തില് സംബന്ധിച്ചു.
