തിരുവനന്തപുരം: ഇന്സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യയുടെ സുവര്ണ ജൂബിലി സമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്തു. ഇഷ ഫൗണ്ടേഷന് സ്ഥാപകന് സദ്ഗുരു ജഗ്ഗി വാസുദേവ്, സ്മാര്ട്ട് ഗ്രൂപ്പ് സ്ഥാപക ചെയര്മാന് ബി.കെ. മോദി, രാജ്യത്തെ പ്രമുഖ കോര്പറേറ്റ്സ്ഥാപനങ്ങളിലെ സി.ഇ.ഒ.മാര്,സി.എഫ്.ഒ.മാര് തുടങ്ങിയവരും ചടങ്ങില് സംബന്ധിച്ചു.
മികച്ച ഭരണത്തിലൂടെ 2022-ല് പുതിയൊരു ഇന്ത്യക്കു രൂപം നല്കുന്ന കമ്പനി സെക്രട്ടറിമാര് എന്നതാണ് വാര്ഷിക സമ്മേളനത്തിന്റെ പ്രമേയം. ഐ.സി.എസ്.ഐ.യുടെ പ്രവര്ത്തനങ്ങളെ പിണറായി വിജയന് പ്രശംസിച്ചു. കോര്പറേറ്റ് ഭരണ മാനദണ്ഡങ്ങള് മെച്ചപ്പെടുത്തുന്നതിനു മുന്ഗണന നല്കി കമ്പനികളിലെ നടപടിക്രമങ്ങള് പുനര്നിര്വ്വചിക്കുന്നതിനാണ് ഐ.സി.എസ്.ഐ. ശ്രമിക്കുന്നതെന്ന് ഇന്സ്റ്റിറ്റ്യൂട്ട് പ്രസിഡന്റ് ഡോ. ശ്യാം അഗ്രവാള് ചൂണ്ടിക്കാട്ടി.
സൗകര്യപ്രദമായ രീതിയില് ബിസിനസ് ചെയ്യുന്ന രംഗത്തെ ആഗോള മുന്നിരക്കാര് എന്ന നിലയിലേക്ക് ഇന്ത്യയെ എത്തിക്കുന്നതില് കമ്പനി സെക്രട്ടറിമാര്ക്ക് മുഖ്യ പങ്കു വഹിക്കാനുണ്ടെന്ന് സ്മാര്ട്ട് ഗ്രൂപ്പ് സ്ഥാപക ചെയര്മാന് ബി.കെ. മോദി ചൂണ്ടിക്കാട്ടി.
