മട്ടന്നൂര്: മട്ടന്നൂര് ജയകേരളയുടെ 20 ാം വാര്ഷികാഘോഷവും 9 ാ മത് സംസ്ഥാന പ്രൊഫഷണല് നാടക മത്സരവും 25ന് മട്ടന്നൂര് പി.പി. ഗോവിന്ദന് സ്മാരക ഹാളില് ആരംഭിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു.
അഞ്ച് ദിവസം നീണ്ടുനില്ക്കുന്ന നാടകമത്സരം ശനിയാഴ്ച വൈകുന്നേരം 5.40 ന് പി.പി. ഗോവിന്ദന് സ്മാരക ഹാളില് ചലച്ചിത്ര പിന്നണി ഗായകന് കാഞ്ഞങ്ങാട് രാമചന്ദ്രന് ഉദ്ഘാടനം ചെയ്യും. നഗരസഭാ ഉപാധ്യക്ഷന് പി. പുരുഷോത്തമന് അധ്യക്ഷത വഹിക്കും. ടി. പ്രശാന്ത് മുഖ്യാതിഥിയായിരിക്കും. തുടര്ന്ന് രാത്രി 7 മണിക്ക് അമ്പലപ്പുഴ സാരഥിയുടെ നാടകം വനിതാ പൊലീസ് അരങ്ങേറും.
26ന് വൈകുന്നേരം 4.30 ന് മട്ടന്നൂര് നഗരസഭയിലെ മുഴുവന് കൗണ്സിലര്മാരും പങ്കെടുക്കുന്ന വികസന ചര്ച്ചാവേദി നഗരസഭാ മുന് ചെയര്മാന് കെ. ഭാസ്കരന് മാസ്റ്റര് ഉദ്ഘാടനം ചെയ്യും. ഡോ. ജി. കുമാരന് നായര് അധ്യക്ഷത വഹിക്കും. തുടര്ന്ന് 6.10 ന് നടക്കുന്ന വനിതാസന്ധ്യ നഗരസഭാ ചെയര്പേഴ്സണ് അനിതാവേണു ഉദ്ഘാടനം ചെയ്യും. ഡോ. സുചിത്രാ സുധീര് അധ്യക്ഷത വഹിക്കും. രാത്രി 7 മണിക്ക് കോഴിക്കോട് മനസ്സിന്റെ നാടകം ഹൃദയത്തിലേക്കൊരു മടക്കയാത്ര. 27 ന് വൈകുന്നേരം 3.50 ന് നടക്കുന്ന കവിതാസായാഹ്നം കാരായി ശ്രീധരന് ഉദ്ഘാടനം ചെയ്യും. കെ.വി. ശശിധരന് അധ്യക്ഷത വഹിക്കും. വൈകുന്നേരം 6.20 ന് നടക്കുന്ന യുവസംഗമം ഇ.പി. ജയരാജന് എം.എല്.എ. ഉദ്ഘാടനം ചെയ്യും. സന്ദീപ് മട്ടന്നൂര് അധ്യക്ഷത വഹിക്കും. രാത്രി 7 മണിക്ക് കോഴിക്കോട് നാടക നിലയത്തിന്റെ നാടകം ചാണക്യന്.
28 ന് വൈകുന്നേരം 5 മണിക്ക് നടക്കുന്ന പാലിയേറ്റീവ് പ്രവര്ത്തക സംഗമത്തിന് മിനി ക്ലബ്ബ് അമ്മ പെയിന് ആന്റ് പാലിയേറ്റീവ് പ്രവര്ത്തകര് നേതൃത്വം നല്കും. തുടര്ന്ന് 5.55 ന് നടക്കുന്ന സാംസ്കാരിക സന്ധ്യ കെ.സി. ജോസഫ് എം.എല്.എ. ഉദ്ഘാടനം ചെയ്യും. എന്. ഷാജിത്ത് മാസ്റ്റര് അധ്യക്ഷത വഹിക്കും. ഡോ. കൂമുള്ളി ശിവരാമന് മുഖ്യാതിഥിയായിരിക്കും. രാത്രി 7 മണിക്ക് തിരുവനന്തപുരം സംഘചേതനയുടെ നാടകം മഴനിലാവ്. 29 ന് വൈകുന്നേരം 4.30 ന് എല്ലാവര്ക്കും പാടുവാന് അവസരം നല്കുന്ന ഞാനും പാടും പരിപാടി. തുടര്ന്ന് 5.55 ന് സമാപന സന്ധ്യ ടി.കെ.ഡി. മുഴപ്പിലങ്ങാട് ഉദ്ഘാടനം ചെയ്യും. നഗരസഭാ മുന് ചെയര്മാന് കെ.ടി. ചന്ദ്രന് മാസ്റ്റര് അധ്യക്ഷത വഹിക്കും. കീഴല്ലൂര് പഞ്ചായത്ത് പ്രസിഡണ്ട് എം. രാജന് മുഖ്യാതിഥിയായിരിക്കും. രാത്രി 7 മണിക്ക് ആലപ്പുഴ ഭരതിന്റെ നാടകം മൂന്ന് ഇന്ത്യന് പൗരന്മാരുടെ ഒരുദിവസം അരങ്ങേറും.
വാര്ത്താ സമ്മേളനത്തില് സംഘാടകസമിതി ചെയര്മാന് കെ.കെ. കീറ്റുകണ്ടി, ജനറല്കണ്വീനര് ബാവ മട്ടന്നൂര്, ശിവപ്രസാദ്പെരിയച്ചൂര്, ചന്ദ്രാജി മട്ടന്നൂര് എന്നിവര് പങ്കെടുത്തു.
