കണ്ണൂര്: കേരള ശാസ്ത്രസാങ്കേതിക പരിസ്ഥിതി കൗണ്സില്, ശാസ്ത്രസാഹിത്യ പരിഷത്ത് എന്നിവയുടെ നേതൃത്വത്തില് ജില്ലാ പഞ്ചായത്ത്, വിദ്യാഭ്യാസ വകുപ്പ്, ലൈബ്രറി കൗണ്സില്, വിവിധ ശാസ്ത്ര ഗവേഷണ സ്ഥാപനങ്ങള് എന്നിവയുടെ സഹകരണത്തോടെ സംഘടിപ്പിക്കുന്ന കേരളം ശാസ്ത്രത്തോടൊപ്പം ക്യാമ്പയിനിന്റെ ഭാഗമായുള്ള സയന്സ് റാലി 14ന് നടക്കും. വൈകീട്ട് നാലിന് കണ്ണൂര് സെന്റ് മൈക്കിള് സ്കൂളിന് മുന്നില് നിന്നും ആരംഭിക്കുന്ന റാലി ടൗണ്സ്ക്വയറി സമാപിക്കും. ജനപ്രതിനിധികള്, ശാസ്ത്രകാരന്മാര്, വിദ്യാര്ത്ഥികള്, അധ്യാപകര്, തൊഴിലാളികള്, വിവിധ യുവജന മഹിളാ സാംസ്കാരിക സര്വ്വീസ് സംഘടനാപ്രവര്ത്തകര് റാലിയില് അണിനിരക്കും. മന്ത്രി കടന്നപ്പള്ളി രാമചന്ദ്രന് ഫഌഗ് ഓഫ് ചെയ്യുമെന്ന് ജില്ലാ പഞ്ചായത്ത് പ്രസിഡന്റ് കെ.വി.സുമേഷ് വാര്ത്താസമ്മേളനത്തില് അറിയിച്ചു. വൈകീട്ട് അഞ്ചിന് ടൗണ് സ്ക്വയറില് നടക്കുന്ന സമാപന സമ്മേളനം ഡോ ആര്വിജി മേനോന് ഉദ്ഘാടനം ചെയ്യും. മേയര് ഇ.പി.ലത ശാസ്ത്രപത്രിക പ്രകാശനം ചെയ്യും. ജില്ലാ കലക്ടര് മീര് മുഹമ്മദലി മുഖ്യാതിഥിയായിരിക്കും. മേരിക്യൂറിയുടെയും ഡോ സി.വി.രാമന്റെയും ജന്മദിനമായ നവംബര് ഏഴിനാണ് ക്യാമ്പയിന് ആരംഭിച്ചത്. വാര്ത്താസമ്മേളനത്തില് പ്രൊഫ.കെ.ബാലന്, വി.വി.ശ്രീനിവാസന്, എം. ദിവാകരന് എന്നിവരും പങ്കെടുത്തു.
സയന്സ് റാലി 14ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.