പയ്യാവൂര്: പൈസക്കരി ദേവമാത ഹൈസ്കൂള് ആദിത്യമരുളിയ ഇരിക്കൂര് ഉപജില്ല കേരള സ്കൂള് കലോത്സവത്തില് ഉളിക്കല് വയത്തൂര് യുപി സ്കൂളിന് വിജയം.എല്.പി,യു.പി വിഭാഗങ്ങളില് മത്സരിച്ച എല്ലാ ഇനങ്ങളിലും എ ഗ്രേഡോടെ വയത്തൂര് യു.പി സ്കൂള് ഓവറോള് കിരീടം നേടി.എല്.പി വിഭാഗത്തില് 65 പോയിന്റില് 63 പോയിന്റും നേടിയാണ് വയത്തൂര് ഇത്തവണ കിരീടം ചൂടിയത്. യു.പി വിഭാഗത്തില് 80 പോയിന്റില് 78 പോയിന്റ് നേടി യു .പി വിഭാഗത്തിലും വയത്തൂര് സമഗ്രാധിപത്യം പുലര്ത്തി. ഇത്തവണ നടന്ന ശാസ്ത്രമേളയില് ഗണിതശാസ്ത്ര, സാമൂഹ്യ ശാസ്ത്ര, സയന്സ് മേളകളിലും വയത്തൂര് മിന്നും വിജയം നേടിയിരുന്നു.ഇരിക്കൂര് ഉപജില്ലയിലെ മികച്ച സ്കൂളുകളില് ഒന്നാണ് വയത്തൂര് യു.പി സ്കൂളെന്നും,പാഠ്യപാഠ്യേതര മേഖലകളില് എന്നും മുന്പന്തിയിലാണെന്നും അനുമോദന യോഗം ഉദ്ഘാടനം ചെയ്ത് ഉളിക്കല് ഗ്രാമ പഞ്ചായത്ത് പ്രസിഡന്റ് ഷേര്ളി അലക്സാണ്ടര് പറഞ്ഞു. ഉളിക്കലിന്റെ തിലകക്കുറിയാണ് വയത്തൂര് യു.പിയെന്ന് അദ്ധ്യക്ഷത വഹിച്ച സ്കൂള് മാനേജര് ഫാ.ഫിലിപ്പ് ഇരുപ്പക്കാട്ട് പറഞ്ഞു. പ്രധാനാധ്യാപകന് ടി.ജെ ജോര്ജ്, ഗീത സെബാസ്റ്റ്യന്, പി.ടി.എ പ്രസിഡന്റ് ആര്.സുജി, മദര് പി.ടി.എ പ്രസിഡന്റ് നിഷ ദിലീപ്, അപ്പച്ചന് കുമ്പുങ്കല്, ജിന്സ് ഉളിക്കല്, ലിസി ഓ.എസ് ,ഷിന്റോ കെ മാത്യു എന്നിവര് പ്രസംഗിച്ചു.തുടര്ന്ന് വാദ്യമേളങ്ങളുടെ അകമ്പടിയോടെ വിജയികളായവരെ ഉളിക്കല് ടൗണ് ചുറ്റി ഘോഷയാത്രയായി ആനയിച്ചു. ബിബിന് മാത്യു, മേരിക്കുട്ടി തോമസ്, ടിനു ജോണ്സ്, പ്രസ്റ്റിന് തോമസ് അയ്യങ്കനാല്, ജോണിക്കുട്ടി ജോസഫ്, സിസ്റ്റര് ലിസ് റോസ്, പി.എ.പാരിഷ എന്നിവര് റാലിക്ക് നേതൃത്വം നല്കി.
ഇരിക്കൂര് ഉപജില്ലാ കേരള സ്കൂള് കലോത്സവം; വയത്തൂര് യുപി ചാമ്പ്യന്മാര്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.