തലശ്ശേരി: ഡയറക്ടറേറ്റ് ഓഫ് കോളേജിയേറ്റ് എജുക്കേഷന്റെ സഹായത്തോടെ തലശ്ശേരി ഗവണ്മെന്റ് ബ്രണ്ണന് കോളേജ് ഫിലോസഫി വിഭാഗം ഇന്നും നാളെയും ‘ഭാരതീയ തത്വചിന്ത: സമകാല സമീപനങ്ങള് എന്ന വിഷയത്തില് ദ്വിദിന ദേശീയസെമിനാര് സംഘടിപ്പിക്കും. ന്യൂ സെമിനാര് ഹാളില് നടക്കുന്ന സെമിനാര് ഇന്ന് രാവിലെ 9.30 ന് പ്രിന്സിപ്പല് പ്രൊഫ.എന്.എല്.ബീന ഉദ്ഘാടനം ചെയ്യും. ഉദ്ഘാടന സെഷനില് എം.എം.സോമശേഖരന് ‘മതദര്ശനം ഇന്ത്യയില്’ എന്ന വിഷയം അവതരിപ്പിക്കും. തുടര്ന്ന് ഡോ.എല്.വിജയ്, എ.കെ.ഉമ, ഡോ.പി.ഉണ്ണികൃഷ്ണന് തുടങ്ങിയവര് പ്രബന്ധങ്ങളവതരിപ്പിക്കും .
നാളെ രാവിലെ ‘കേരളത്തിലെയും ഇന്ത്യയിലെയും തത്വചിന്താ പഠനത്തിന്റെ അജണ്ട അംബേദ്കര് നിശ്ചയിക്കുമ്പോള്’ എന്ന വിഷയത്തില് ഡോ.കെ.ജെ.ഗാസ്പറും ‘ശ്രീനാരായണ ഗുരു അറിവും അനുഭൂതിയും’ എന്ന വിഷയത്തില് ഡോ.പി.പവിത്രനും പ്രബന്ധങ്ങളവതരിപ്പിക്കും. സെമിനാറില് പങ്കെടുക്കാന് താല്പര്യമുള്ളവര് 9605742702, 9447912872 എന്നീ നമ്പറുകളില് ബന്ധപ്പെടണം.
