കൊടുങ്ങല്ലൂര്: വനിതാ കൗണ്സിലര്ക്കെതിരെ നുണ പ്രചരണം നടത്തി സ്ത്രീകളെ അപമാനിക്കുന്ന നഗരസഭ ചെയര്മാന് സി. സി.വിപിന് ചന്ദ്രന്റെ രാജി ആവശ്യപ്പെട്ട് ബിജെപി അംഗങ്ങള് കൗണ്സില് യോഗത്തില് നിന്നും ഇറങ്ങിപ്പോയി. ബിജെപി കൗണ്സിലര് ഡോ: ആശാലതക്കെതിരായാണ് ചെയര്മാന് അടിസ്ഥാന രഹിതമായ പ്രചരണങ്ങള് നടത്തുന്നത്.
കൗണ്സില് യോഗത്തില് അവര് നടത്താത്ത പരാമര്ശങ്ങളുടെ പേരില് ദുഷ്ടലാക്കോടെ നടത്തുന്ന വ്യാജ പ്രചരണങ്ങളില് പ്രതിഷേധിച്ച് മുദ്രാവാക്യം വിളികളോടെയാണ് കൗണ്സില് യോഗത്തില് നിന്നും ബിജെപി കൗണ്സിലര്മാര് ഇറങ്ങിപ്പോയത്.
വ്യാജ പ്രചരണം നടത്തുന്ന ചെയര്മാന് രാജിവെക്കുകയോ മാപ്പു പറയുകയോ ചെയ്തില്ലെങ്കില് നിയമ നടപടികളുമായി മുന്നോട്ട് പോകുമെന്ന് പ്രതിപക്ഷ നേതാവ് വി.ജി.ഉണ്ണികൃഷ്ണന് പറഞ്ഞു. ശാലിനി വെങ്കിടേഷ്, ഒ.എന്.ജയദേവന്,ടി.എസ്.സജീവന്, ഐ.എല്.ബൈജു തുടങ്ങിയവരുടെ നേതൃത്വത്തിലാണ് ഇറങ്ങിപ്പോക്ക് നടത്തിയത്.
