കണ്ണൂര്: ലളിതകലാ അക്കാദമിയുടെ റസിഡന്സി പ്രോഗ്രാം ശ്രീകണ്ഠപുരം കാക്കണ്ണന്പാറ കലാഗ്രാമത്തില് 11 ന് ആരംഭിക്കുമെന്ന് ലളിതകലാ അക്കാദമി സെക്രട്ടറി പൊന്ന്യം ചന്ദ്രന് വാര്ത്താ സമ്മേളനത്തില് പറഞ്ഞു.
ആദ്യമായാണ് അക്കാദമി ഇത്തരത്തില് ഒരു പരിപാടി നടത്തുന്നത്. 11 ന് വൈകുന്നേരം 5 മണിക്ക് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് ഉദ്ഘാടനം ചെയ്യും. 12 ന് ഇടുക്കി ജില്ലയിലെ വാഗമണ്ണിലും റസിഡന്സി പ്രോഗ്രാം നടക്കും. തുടര്ന്നും കാക്കണ്ണന്പാറയില് റസിഡന്സി പ്രോഗ്രാം നടത്തുമെന്നും അദ്ദേഹം പറഞ്ഞു. പ്രമുഖരായ 6 ചിത്രകാരന്മാരാണ് പരിപാടിയില് സംബന്ധിക്കുന്നത്.
20 ദിവസം നീണ്ടുനില്ക്കുന്ന പ്രോഗ്രാമില് ചിത്രകാരന്മാര്ക്ക് പരസ്പരം ആശയ വിനിമയത്തിനുളള സാധ്യത തുറന്നുകാട്ടുകയാണ്. ഇന്ത്യയുടെ വിവിധ ഭാഗങ്ങളിലുളള ചിത്രകാരന്മാരുടെ പ്രയോഗരീതിയും ചിത്രശൈലിയും മനസ്സിലാക്കുകയെന്ന ലക്ഷ്യവും റസിഡന്സി പ്രോഗ്രാം കൊണ്ട് ഉദ്ദേശിക്കുന്നുണ്ടെന്ന് അദ്ദേഹം പറഞ്ഞു. 11 ന് നടക്കുന്ന റസിഡന്സി പ്രോഗ്രാം പരിപാടിയില് രാജേഷ് ശ്രീവാസ്ഥവ, ബി.എസ്.ശ്രീഗോപന്, കെ.ശശി കുമാര്, ജനാര്ദ്ദനന് ഹാവഞ്ച്, ഗായത്രി, റോബര്ട്ട് ലോപസ് എന്നിവര് പങ്കെടുക്കും. അക്കാദമി അംഗങ്ങളായ എബിഎന് ജോസഫ്, പി.വി.ബാലന് എന്നിവരും വാര്ത്താ സമ്മേളനത്തില് പങ്കെടുത്തു.
