അതിരപ്പിള്ളി: ആദിവാസി യുവതി വനം വകുപ്പ് വാഹനത്തിനുള്ളില് പെണ്കുഞ്ഞിന് ജന്മം നല്കി. വാച്ചുമരം ആദിവാസി കോളനിയിലെ ജോണിയുടെ ഭാര്യ ബിന്ദു (23) വാണ് വനം വകുപ്പ് വാഹനത്തില് രാവിലെ ഒമ്പതുമണിയോടെ പ്രസവിച്ചത്. കുറച്ച് ദിവസങ്ങളായി കുടുംബമേതം ഉള്ക്കാടിനുള്ളില് വനവിഭവങ്ങള് ശേഖരിക്കുന്നതിനിടയില് ഇന്നലെ പ്രസവവേദനയെ തുടര്ന്ന് വനം വകുപ്പ് ഉദ്യോഗസ്ഥരെ വിവരമറയിക്കുകയായിരുന്നു.
ഡെപ്യൂട്ടി റെയിഞ്ചര് ബി.മോഹന്കുമാറിന്റെ നേതൃത്വത്തിലെത്തിയ വനപാലക സംഘം യുവതിയെ വാഹനത്തില് കയറ്റി പൊലീസ് ആമ്പുലന്സിനരികിലേക്ക് എത്തിക്കുന്നതിനുള്ള ശ്രമത്തിനിടയിലാണ് വാഹനത്തിനുള്ളില് പ്രസവം നടന്നത്. തുടര്ന്ന് പൊലീസ് ആബുലന്സില് ചാലക്കുടി താലൂക്ക് ആശുപത്രിയില് പ്രവേശിപ്പിച്ച അമ്മയും കുഞ്ഞും സുഖം പ്രാപിച്ചു വരുന്നു.
