പീരുമേട്: ബിജെപി നിയോജക മണ്ഡലം കമ്മിറ്റിയുടെ നേതൃത്വത്തില് ആര്ബിറ്റി തോട്ടം ലേലത്തിലെ അഴിമതിയില് പ്രതിഷേധിച്ച് പീരുമേട് ടീ ബോര്ഡ് ഓഫീസിന് മുന്നില് ധര്ണ്ണ നടത്തി.
നിയോജക മണ്ഡലം പ്രസിഡന്റ് സി. സന്തോഷ് കുമാര് അദ്ധ്യക്ഷത വഹിച്ച യോഗം ബിജെപി സംസ്ഥാന സമിതി അംഗം പി.എ. വേലുകുട്ടന് ഉദ്ഘാടനം ചെയ്തു. അഴിമതി സിബിഐ അന്വേഷിക്കുക, താലൂക്കിലെ തോട്ടങ്ങള് കയ്യേറി വച്ചിരിക്കുന്ന മിച്ചഭൂമികള് സര്ക്കാര് ഏറ്റെടുത്ത് ഭൂരഹിതരായ തൊഴിലാളികള്ക്ക് വീതിച്ച് നല്കുക, തോട്ടങ്ങള് സര്ക്കാര് ഏറ്റെടുത്ത് നടത്തിപ്പ് അവകാശങ്ങള് തൊഴിലാളികള്ക്ക് നല്കുക എന്നീ ആവശ്യങ്ങളുന്നയിച്ചായിരുന്നു ധര്ണ്ണ.
തോട്ടങ്ങള് ലേലം ചെയ്ത നടപടിയിലെ അഴിമതി ടീ ബോര്ഡ് അന്വേഷിക്കണം. തോട്ടം ഏറ്റെടുക്കുവാന് ബോര്ഡ് ഇടപെടണമെന്നും പി.എ. വേലുകുട്ടന് പറഞ്ഞു.
ജില്ലാ സെക്രട്ടറി ഷാജി നെല്ലിപ്പറമ്പില്, വൈസ് പ്രസിഡന്റ് പി.ആര്. വിനോദ്, മണ്ഡലം ജനറല് സെക്രട്ടറിമാരായ എ.ജി.മണി, കെ.കെ. ധര്മ്മിഷ്ടന്, കെ.കെ. ദിവാകരന്, ശോഭന രമേശ്, ബിന്ദു സജി, അഡ്വ. സ്റ്റീഫന് ഐസക് തുടങ്ങിയവര് സംസാരിച്ചു.
