കണ്ണൂര്: സ്തനാര്ബുദം നേരത്തെ കണ്ടെത്തി ചികിത്സിക്കാന് കഴിഞ്ഞാല് ഒരു പരിധി വരെ മരണസംഖ്യ കുറക്കാന് കഴിയുമെന്ന് അമേരിക്കയിലെ പ്രശസ്ത സ്തനാര്ബുദ വിദഗ്ധന് ഡോ.ജെയിം അബ്രഹാം അഭിപ്രായപ്പെട്ടു. മലബാര് കാന്സര് കെയര് സൊസൈറ്റിയുടെ ആഭിമുഖ്യത്തില് നടന്നുവന്ന സമഗ്ര സ്തനാര്ബുദ നിയന്ത്രണ ബോധവല്ക്കരണ വാരാചരണത്തിന്റെ സമാപന സമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. സാമ്പത്തികശേഷി മെച്ചപ്പെട്ട സമൂഹത്തിലുണ്ടാകുന്ന പ്രധാന രോഗമായ കാന്സര് ഇന്ന് ഇന്ത്യയിലും കേരളത്തിലും വര്ധിച്ചുവരികയാണെന്നും ദിനചര്യയില്, പ്രത്യേകിച്ച് ഭക്ഷണ സംസ്കാരത്തില് വന്ന മാറ്റങ്ങളും വ്യായാമത്തിന്റെ അഭാവം കൊണ്ടുമാണ് പ്രധാനമായും കാന്സര് രോഗം വര്ധിക്കുന്നതെന്നും അദ്ദേഹം അഭിപ്രായപ്പെട്ടു. ചടങ്ങില് മലബാര് കാന്സര് കെയര് സൊസൈറ്റി പ്രസിഡണ്ട് ഡി.കൃഷ്ണനാഥ പൈ അധ്യക്ഷത വഹിച്ചു. ഡോ.വി.സി.രവീന്ദ്രന്, ഡോ.സുചിത്ര സുധീര്, ഡോ.ബി.വി.ഭട്ട്, പി.എം.ദിലീപ് കുമാര് തുടങ്ങിയവര് സംസാരിച്ചു.
സ്തനാര്ബുദം കണ്ടെത്തി ചികിത്സിച്ചാല് മരണസംഖ്യ കുറക്കാന് സാധിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.