മാവേലിക്കര: ചെട്ടികുളങ്ങരയിലെ ആദ്യകാല സംഘ പ്രവര്ത്തകന് ഈരേഴ വടക്ക് നമ്പോത്ത് ശ്രീപദ്മത്തില് കെ. രാധാകൃഷ്ണന് നായര് (54) അന്തരിച്ചു. സംഘപ്രസ്ഥാനങ്ങള്ക്കു ചെട്ടികുളങ്ങരയില് വേരോട്ടമുണ്ടാക്കുന്നതില് പ്രധാനപങ്കുവഹിച്ച അദ്ദേഹം ആര്എസ്എസ് മണ്ഡല് കാര്യവാഹായും പ്രവര്ത്തിച്ചിട്ടുണ്ട്. മാവേലിക്കര താലൂക്ക് ഡപ്യൂട്ടി തഹസീല്ദാറായിരിക്കെയാണ് മരിച്ചത്.
ചെട്ടികുളങ്ങര ദേവീക്ഷേത്രത്തിലെ പതിമൂന്നു കരകളുടെ ഏകീകൃത സംഘടനയായ ശ്രീദേവി വിലാസം ഹിന്ദുമത കണ്വന്ഷന് എക്സിക്യൂട്ടീവ് അംഗം, ഈരേഴവടക്ക് ഹൈന്ദവ കരയോഗം പ്രസിഡന്റ്, സെക്രട്ടറി തുടങ്ങിയ ചുമതലകളില് ദീര്ഘകാലം പ്രവര്ത്തിച്ചു. കലാരംഗത്തും അദ്ദേഹം പ്രവര്ത്തിച്ചിട്ടുണ്ട്.
നിരവധി അമേച്വര് നാടകങ്ങളില് അദ്ദേഹം വേഷമണിഞ്ഞിട്ടുണ്ട് രവി ആലുംമൂടന് സംവിധാനം ചെയ്ത ജനഗണമനയിലെ പോലീസുകാരന്റെ വേഷം ഏറെ ശ്രദ്ധക്കപ്പെട്ട വേഷമായിരുന്നു. എന്.പി. ചെല്ലപ്പന്പിള്ളയുടെ ക്ഷീരബലസഹചരാദി കഷായം എന്ന നാടകത്തിലും അദ്ദേഹം ശ്രദ്ധേയമായ വേഷം കൈകാര്യം ചെയ്തിരുന്നു.
മൃതദേഹം നാളെ രാവിലെ പത്തിന് മാവേലിക്കര താലൂക്ക് ആഫീസില് പൊതുദര്ശനത്തിന് വയ്ക്കും. തുടര്ന്ന് അന്ത്യകര്മ്മങ്ങള് നാളെ ഉച്ചയ്ക്ക് രണ്ടു മണിക്ക് സ്വവസതിയില് നടക്കും.
