തൊടുപുഴ: തൊടുപുഴ- ഉടുമ്പന്നൂര് റോഡില് കുന്നത്തിന് സമീപം റോഡരികില് സ്ഥാപിച്ചിരിക്കുന്ന കൂറ്റന് പരസ്യബോര്ഡ് വാഹന യാത്രക്കാര്ക്ക് ഭീഷണിയാകുന്നു. കണ്ടിട്ടും കണ്ടില്ലെന്ന് നടിച്ച് നടപടിയെടുക്കാതെ നഗരസഭ അധികൃതര്.
ജങ്ഷനില് നിന്ന് അല്പം മുന്നോട്ട് മാറി ഒരു വശം ടാര്വീപ്പ ഉപയോഗിച്ച് കാല് നാട്ടിയാണ് ഫ്ളക്സ് ബോര്ഡ് വച്ചിരിക്കുന്നത്. നഗരസഭയ്ക്ക് കീഴില് പൊതുസ്ഥലത്ത് ഫ്ളക്സ് ബോര്ഡുകള് സ്ഥാപിക്കുന്നതിന് വിലക്കുണ്ട്. വീതി കൂടിയ റോഡില് വളവായതിനാല് വശം ചേര്ന്ന് വാഹനങ്ങള് വരില്ല എന്നത് മുതലെടുത്താണ് പരസ്യബോര്ഡുകള് ഇത്തരത്തില് വയ്ക്കുന്നത്. ബസുകള് അടക്കം ആയിരക്കണക്കിന് വാഹനങ്ങള് കടന്നുപോകുന്ന വഴിയില് ഇത് കാഴ്ചയ്ക്കും തടസമാകുന്നുണ്ട്.ടാറിങ്ങില് നിന്ന് ഒന്നര മീറ്ററോളം കയറിയാണ് ഫ്ളക്സ് ബോര്ഡ് നില്ക്കുന്നത്.
ഇവിടെ വഴി കയ്യേറി ബോര്ഡുകള് വയ്ക്കാറുണ്ടെന്നും അധികൃതരെ അറിയിച്ചാലും നടപടിയില്ലെന്നും നാട്ടുകാര് പറയുന്നു.
