തുറവൂര്: അന്ധകാരനഴി സ്പില്വേയുടെ പഴയ വടക്കേപാലം അപകടാവസ്ഥയില്. കാലപ്പഴക്കം ചെന്നതോടെ ഇതുവഴിയുള്ള വാഹനയാത്ര അപകടകരമാകുന്നു.
പുതിയ പാലത്തിന്റെ നിര്മാണം പൂര്ത്തിയാക്കുന്നതില് അധികൃതര് കാണിക്കുന്ന അനാസ്ഥയില് പ്രതിഷേധം വ്യാപകമാണ്. ഒട്ടേറെ വാഹനങ്ങളാണ് പഴയപാലത്തിലൂടെ ദിവസവും കടന്നു പോകുന്നത്. ചേര്ത്തല ചെല്ലാനം, ചേര്ത്തല, എറണാകുളം, ചെല്ലാനം,ആലപ്പുഴ തുടങ്ങിയ ഭാഗത്തേക്കുള്ള ബസുകളാണ് ഈ പാലത്തിലൂടെ കടന്നുപോകുന്നത്.
പാലം ഏറെ അപകടാവസ്ഥയിലായതോടെ ദീര്ഘദൂര ബസുകള് പലതും സര്വീസ് നിര്ത്തി. ഇതുവഴിയുള്ള ബന്ധുകളുടെ കുറവുമൂലം അന്ധകാരനഴി, പള്ളിത്തോട്, ചെല്ലാനം പ്രദേശങ്ങളിലെ നൂറുക്കണക്കിന് യാത്രക്കാരാണ് ദുരിതത്തിലാകുന്നത്.
സ്പില്വേ പാലം അപകടാവസ്ഥയിലായതോടെയാണ് സുനാമി ഫണ്ട് ഉപയോഗിച്ച് 10 വര്ഷം മുമ്പ് പുതിയ പാലത്തിന്റെ നിര്മ്മാണം ഇവിടെ ആരംഭിച്ചത്. ഇതു വരെ നിര്മാണം പൂര്ത്തിയാക്കാന് കഴിഞ്ഞിട്ടില്ല. അന്ധകാരനഴി വടക്കേപാലത്തിന്റെ നിര്മാണം വര്ഷങ്ങളായിട്ടുനിലച്ചതോടെ വികസനം ഇവിടെ വഴിമുട്ടിയിരിക്കുകയാണ്
പ്രതികരിക്കാൻ ഇവിടെ എഴുതുക: