ചെറുപുഴ: ചെറുപുഴ ടൗണിലും പരിസരങ്ങളിലും വര്ധിച്ചുവരുന്ന അനധികൃത ഭക്ഷണവില്പന കേന്ദ്രങ്ങള്ക്കെതിരെ നടപടിയെടുക്കാത്ത അധികൃതരുടെ നിലപാടില് പ്രതിഷേധിച്ച് ചെറുപുഴയിലെ ഹോട്ടലുടമകള് പ്രത്യക്ഷസമരത്തിനൊരുങ്ങുന്നു. ദിവസേനയെന്നോണം ടൗണിലും പരിസരങ്ങളിലും തട്ടുകടകള് സ്ഥാപിച്ച് ആരോഗ്യവകുപ്പിന്റെയോ പഞ്ചായത്തിന്റെയോ മാനദണ്ഡങ്ങളൊന്നും പാലിക്കാതെ ഭക്ഷണസാധനങ്ങള് വിറ്റഴിക്കപ്പെടുന്നുണ്ട്. ഇതിനു പുറമേ വീടുകളിലും മറ്റും ഉണ്ടാക്കുന്ന ഭക്ഷണസാധനങ്ങള് പാക്കറ്റിലാക്കി വാഹനങ്ങളിലും കൊണ്ടുവന്ന് വില്പന നടത്തുന്നു. ചീമേനി തുറന്ന ജയിലില് നിന്നുള്ള ചപ്പാത്തിയും ബിരിയാണിയും എല്ലാ ദിവസവും 12 മുതല് ബസ്റ്റാന്ഡ് പരിസരത്ത് വില്പനക്കെത്തുന്നുണ്ട്. ഇത്തരത്തില് ഭക്ഷണവില്പന കേന്ദ്രങ്ങള് പെരുകുമ്പോള് വലിയ തുക പ്രതിമാസ വാടക നല്കിയും വൈദ്യുതിബില്ലടച്ചും തൊഴിലാളികള്ക്ക് മികച്ച വേതനം നല്കിയും പ്രവര്ത്തിക്കുന്ന ഹോട്ടലുകളും റസ്റ്റോറന്റുകളും അടച്ചുപൂട്ടലിന്റെ വക്കിലാണ്. പഞ്ചായത്തിനും ഇതര സര്ക്കാര്വകുപ്പുകള്ക്കും നികുതിയും മറ്റ് ഫീസുകളുമടച്ച് പ്രവര്ത്തിക്കുന്ന ഹോട്ടലുകളില് പ്രതിവാരം പരിശോധന നടത്തുന്ന ആരോഗ്യവകുപ്പ് അനധികൃത ഭക്ഷണവില്പന കേന്ദ്രങ്ങളുടെ ശുചിത്വമില്ലായ്മയും മാലിന്യനിക്ഷേപവും കണ്ടില്ലെന്ന് നടിക്കുകയാണ്. ഈ സാഹചര്യത്തില് അനേകം പേരുടെ ഉപജീവന മാര്ഗ്ഗമായ ഹോട്ടല് മേഖലയെ രക്ഷിക്കാന് അധികൃതരുടെ ഇടപെടല് ആവശ്യപ്പെട്ട് ഹോട്ടലുകള് അടച്ചിട്ടുകൊണ്ടുള്ള സമരമാര്ഗ്ഗത്തിലേക്ക് തിരിയാന് നിര്ബന്ധിതരായിരിക്കുകയാണെന്ന് ചെറുപുഴ മേഖലയിലെ ഹോട്ടലുടമകളെ പ്രതിനിധീകരിച്ച് വിപിന് പലേരി, ടി.എസ്.മുരളി, എം.ടി.പി ശാദുലി, ഡെന്നി തുരുത്തേല്, വി.രാജന് എന്നിവര് വാര്ത്താസമ്മേളനത്തില് അറിയിച്ചു.
അനധികൃത ഭക്ഷണ ശാലകള്ക്കെതിരെ പ്രക്ഷോഭം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.