പാലക്കാട്: സംസ്ഥാന കേരളോത്സവം ഡിസംബര് ആദ്യവാരം പാലക്കാട് നടക്കും. ഈ വര്ഷം ഗ്രാമതലം മുതല് ക്ലബുകള്ക്ക് കൂടി പങ്കെടുക്കാന് അവസരം നല്കുന്നതിനോടൊപ്പം സംസ്ഥാനതലത്തില് കലാ-കായിക മത്സരങ്ങള് രണ്ടായി നടത്താനും തീരുമാനിച്ചിട്ടുണ്ട്.
മത്സരങ്ങള് പൂര്ത്തിയാക്കി രജിസ്ട്രേഷന് നടത്താത്ത 49 ഗ്രാമ പഞ്ചായത്തുകള്ക്ക് ക്ലബുകളുടെയും കലാകായിക പ്രതിഭകളുടേയും അഭ്യര്ഥന മാനിച്ച് 30 വരെ യുവജനക്ഷേമ ബോര്ഡ് ഓണ്ലൈന് രജിസ്ട്രേഷനുളള അവസരം ഒരുക്കിയിട്ടുണ്ട്.
നവംബര് അവസാനവാരത്തോടെ 14 ജില്ലകളിലെയും കേരളോത്സവങ്ങള് സമാപിച്ച് ഡിസംബര് ആദ്യവാരം പാലക്കാട് സംസ്ഥാന കേരളോത്സവം നടക്കും. ജില്ലയിലെ ജനപ്രതിനിധികള്, കലാ-കായിക പ്രതിഭകള്, യൂത്ത് ക്ലബുകള് എന്നിവരുള്്പ്പെട്ട സംഘാടക സമിതിയും കേരളോത്സവത്തിന്റെ നടത്തിപ്പിനായി രൂപവത്കരിക്കും.
കേരളോത്സവത്തിന്റെ വിജയത്തിനും സമയബന്ധിതമായി നടത്തിപ്പിനും എല്ലാ ക്ലബുകളും കലാകായിക പ്രതിഭകളും തദ്ദേശ സ്വയംഭരണ സ്ഥാപനങ്ങളും രംഗത്തിറങ്ങണമെന്ന്് കേരളസംസ്ഥാന യുവജക്ഷേമ ബോര്ഡ് വൈസ് ചെയര്മാന് പി. ബിജു അറിയിച്ചു. കൂടുതല് വിവരങ്ങള്ക്ക് 0491-2505190.
