അമ്പലപ്പുഴ: പുന്നപ്ര- വയലാര് രക്തസാക്ഷി വാരാചരണത്തിന്റെ പരിപാടി സമയത്ത് പാര്ട്ടി ഭരിക്കുന്ന പഞ്ചായത്തില് പഞ്ചായത്ത് കമ്മറ്റി ചേര്ന്ന്ത് സിപിഎമ്മില് വിവാദമായി. അമ്പലപ്പുഴ വടക്കുപഞ്ചായത്തിലാണ് സിപിഎം അംഗങ്ങള് പതാകജാഥ കടന്നുപോകുന്ന സമയം പഞ്ചായത്ത് കമ്മറ്റി വിളിച്ചു കൂട്ടിയത്.
ആകെ 18 വാര്ഡുകളുള്ള പഞ്ചായത്തില് ഏഴ് അംഗങ്ങളാണ് സിപിഎമ്മിനുള്ളത്. ഇതില് ഒരാള് ഒഴികെ ആറുപേരും കമ്മറ്റിയില് പങ്കെടുത്തു. സാധാരണ പാര്ട്ടി പരിപാടികള് ഉളഅള സമയം പഞ്ചായത്ത് കമ്മറ്റി നടത്താത്തവരാണ് പുന്നപ്ര- വയലാര് വാരാചരണ പരിപാടികള് ബഹിഷ്കരിച്ചത്. പാര്ട്ടിക്കുള്ളിലെ ചേരിപ്പോരാണ് ഇതിനു കാരണമെന്നാണ് ആക്ഷേപം ഉയരുന്നത്.
വരും ദിവസങ്ങളില് ഇതേച്ചൊല്ലി പാര്ട്ടിക്കുള്ളില് പൊട്ടിത്തെറി ഉണ്ടാകുമെന്ന് പാര്ട്ടി പ്രവര്ത്തകര് തന്നെ പറയുന്നു. ജാഥ തുടങ്ങിയത് വൈകിട്ട് മൂന്നിനാണ് ജാഥ പഞ്ചായത്താപീസിനു മുന്നിലൂടെ കടന്നുപോയത് 5.30നാണ് എന്നിട്ടും പഞ്ചായത്ത് കമ്മറ്റി നിര്ത്തിവച്ച് ജാഥയ്ക്ക് അഭിവാദ്യം അര്പ്പിക്കാന്പോലും ആരും തയ്യാറായില്ല.
