കണ്ണൂര്: മയ്യഴി ഗവ ഫ്രഞ്ച് ഹൈസ്കൂളില് സ്വന്തം പിറന്നാളാഘോഷം ജീവകാരുണ്യ നന്മക്കായി മാറ്റി വെച്ച് വിദ്യാര്ഥി മാതൃകയായി. മാഹി ഗവ.ഫ്രഞ്ച് ഹൈസ്കൂളിലെ എട്ടാം കഌസ്സുകാരനും ലിയോ കഌബ്ബ് പ്രസിഡണ്ടുമായ ബര്ണാഡ് സ്റ്റാന്ലി മെന്ഡോസയാണു തന്റെ ജന്മദിനം വേറിട്ട വഴിലൂടെ വ്യത്യസ്തമാക്കിയത്.
തണല് ഡയാലിസിസ് സെന്ററിനു പതിനായിരം രൂപ സഹായ ധനം തണല് സാന്ത്വന പരിചരണ കേന്ദ്രത്തിന്റെ പ്രതിനിധികൂടിയായ മാഹി എംഎല്എ ഡോ.വി.രാമചന്ദന് മാസ്റ്റര്ക്ക്വിദ്യലയ മുറ്റത്തൊത്തു ചേര്ന്ന കൂട്ടുകാരുടെയും അധ്യാപകരുടെയും രക്ഷിതാക്കളുടെയും സൗഹൃദക്കൂട്ടായ്മയെ സാക്ഷിനിര്ത്തി കൈമാറി. രക്ഷിതാക്കളോടൊപ്പം വടകര തണല് സന്ദര്ശിച്ചപ്പോളുണ്ടായ അനുഭവമാണ് ഇത്തരം ഒരു പ്രവര്ത്തനത്തിനു പ്രചോദനമായതെന്നു ബര്ണാഡ് പറഞ്ഞു. ബര്ണാഡിന് ആശംസകളും ആശിര്വാദവും നല്കി സംസാരിച്ച രാമചന്ദന് മാസ്റ്റര് ജീവകാരുണ്യ പ്രവര്ത്തനങ്ങളുടെ പ്രധാന്യവും പ്രസക്തിയും വിശദമാക്കി.
തലശ്ശേരി ലയണ്സ് കഌബ്ബ്ന്റെ സഹകരണത്തോടെ വിദ്യലയത്തില് നടപ്പാക്കുന്ന ജൈവ പച്ചക്കറി കൃഷിയുടെ രണ്ടാം ഘട്ടത്തിന്റെ ഉദ്ഘാടന ചടങ്ങിനോടനുബന്ധിച്ചാണു ജന്മദിനാഘോഷം സംഘടിപ്പിച്ചത്. ലയണ് എന്.കൃഷ്ണന്, അശ്വഗേഷ് എന്നിവര്ക്ക് മുളപ്പിച്ച തൈകള് കൈമാറി ഉദ്ഘാടനം നിര്വ്വഹിച്ചു. ഫ്രാന്സിസ് മെന്റോസ അധക്ഷത വഹിച്ചു. ഫാത്തിമ വാജിത, ദിനേഷ് എന്നിവര് സംസാരിച്ചു. പ്രധാനാധ്യാപകന് എം.മുസ്തഫ സ്വാഗതവും സി.ഇ.രസിത നന്ദിയും പറഞ്ഞു. പോള്ഷിബു, വി.വിജയി, അഭിനന്ദ് എന്നിവര് നേതൃത്വം നല്കി.
