കണ്ണൂര്: എതിരെ വരുന്ന വാഹനത്തിന്റെ കടുത്ത പ്രകാശരശ്മികളില് നിന്നും രക്ഷനേടാന് നൂതനസാങ്കേതികവിദ്യയുടെ കണ്ടെത്തലുമായി എളയാവൂര് സ്വദേശി കെ.എം.മുരളീധരന്. വാഹനങ്ങളുടെ തീവ്രമായ കണ്ണഞ്ചിപ്പിക്കുന്ന ലൈറ്റുകള് കാരണം എതിരെ വരുന്ന വാഹനം ഓടിച്ചുവരുന്നവര്ക്ക് ബുദ്ധിമുട്ടുണ്ടാക്കുകയും റോഡപകടങ്ങള് ഉണ്ടാകുകയും ചെയ്ത നിരവധി സംഭവങ്ങള് നമ്മുടെ നാട്ടിലുണ്ട്. ഇതിനെല്ലാം തന്റെ പതിനാറ് വര്ഷത്തെ പ്രയത്നത്തിനൊടുവിലുണ്ടായ കണ്ടുപിടിത്തം പരിഹാരമാകുമെന്ന് മുരളീധരന് വാര്ത്താസമ്മേളനത്തില് അവകാശപ്പെട്ടു. ജസ്റ്റിസ് ഹൈ ബീം മാനേജ്മെന്റ് (എച്ച്ബിഎംഎസ്)എന്ന് പേരിട്ടിരിക്കുന്ന ഈ ഉപകരണം എല്ലാ വാഹനങ്ങളിലും ഘടിപ്പിക്കാവുന്നതാണ്. 2500 രൂപയാണ് ഇതിന്റെ വില. എച്ച്ബിഎംഎസ് ഘടിപ്പിച്ച വാഹനം രാത്രികാലങ്ങളില് ഹൈ ബീമില് പോകുകയാണെങ്കില് എതിരെ മറ്റൊരു വാഹനവും ഇതേ അവസഥയില് വന്നാല് ആ വാഹനത്തിന്റെ ഹൈബീം ഒരു സിഗ്നല് ആയി സ്വീകരിച്ച് എച്ച്ബിഎംഎസ് അവര്ക്ക് വേണ്ടി ഹെഡ് ലാംപ് ഡിം ചെയ്ത് കൊടുക്കും. അങ്ങനെ വാഹനത്തിന് സുഗമമായി കടന്നുപോകാനുള്ള അവസരം ഒരുക്കും. വാഹനം പോയതിന് ശേഷം പത്ത് സെക്കന്റ് കൂടി ഡിമ്മില് തുടരുകയും പത്ത് സെക്കന്റ് നേരം വേറെ വാഹനങ്ങള് വല്ലതും എതിരെ വരുന്നുണ്ടോയെന്ന് സെര്ച്ച് ചെയ്യുകയും ഇല്ലെന്ന് ഉറപ്പുവരുത്തിയ ശേഷം ഹൈ ബീം പുനസ്ഥാപിക്കുകയും ചെയ്യും. ഉപകരണം ഘടിപ്പിച്ചയാള്ക്ക് മികച്ച ഫലം ലഭിക്കില്ലെങ്കിലും എതിരെ വരുന്ന വാഹനങ്ങളെല്ലാം ഈ ഉപകരണം ഘടിപ്പിച്ചാല് റോഡ് സുരക്ഷയ്ക്ക് തന്നെ ഇതൊരു മുതല്കൂട്ടായി മാറുമെന്ന് മുരളീധരന് പറഞ്ഞു. ഉപകരണത്തിന് ഒരു വര്ഷത്തെ വാറന്റിയും റീപ്ലേസ്മെന്റ് വാറന്റിയുമുണ്ട്. ഉപകരണം സ്വന്തം വാഹനത്തില് ഉപയോഗിക്കുന്നുവെന്നല്ലാതെ ആര്ക്കും തന്നെ നല്കിയിട്ടില്ല. കണ്ടുപിടിത്തത്തിന്റെ പേറ്റന്റിന് അപേക്ഷ നല്കിയിട്ടുണ്ട്. കൂടുതല് വിവരങ്ങള്ക്ക് 9447085829.
വാഹനത്തിന്റെ കടുത്ത പ്രകാശരശ്മികളില് നിന്നും രക്ഷനേടാന് നൂതനസാങ്കേതികവിദ്യയുടെ കണ്ടെത്തലുമായി എളയാവൂര് സ്വദേശി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.