ആലുവ: ഫെഡറല് ബാങ്ക് സ്ഥാപകന് കെ.പി. ഹോര്മീസിന്റെ ജന്മശതാബ്ദി സമ്മേളനം ഇന്ന് നടക്കുമെന്ന് സംഘാടകര് വാര്ത്ത സമ്മേളനത്തില് അറിയിച്ചു. വൈകിട്ട് 3ന് ആലുവ മഹാത്മാഗാന്ധി ടൗണ് ഹാളില് ചേരുന്ന ജന്മശതാബ്ദി സമ്മേളനം മന്ത്രി കടന്നപ്പിള്ളി രാമചന്ദ്രന് ഉദ്ഘാടനം ചെയ്യും. മുന് സുപ്രിം കോടതി ജഡ്ജി ജസ്റ്റിസ് സിറിയക്ക് ജോസഫ് കെ. പി. ഹോര്മീസ് സ്മാരക പ്രഭാഷണം നടത്തും. സൗത്ത് ഇന്ത്യന് ബാങ്ക് മുന് ചെയര്മാനും പ്രമുഖ എഴുത്തുകാരനുമായ സേതു മുഖ്യ പ്രഭാഷണം നടത്തും. ഫെഡറല് ബാങ്ക് ചീഫ് ഓപ്പറേറ്റിങ് ഓഫിസര് ശാലിനി വാര്യര് കെ. പി. ഹോര്മീസിന്റെ ഓര്മ്മകളും സംഭാവനകളും ഉള്ക്കൊള്ളിച്ച് തയ്യാറാക്കുന്ന ഓര്മ്മക്കുറിപ്പുകളുടെ പ്രകാശനം നിര്വഹിക്കും. ആഘോഷ പരിപാടികളുടെ ചെയര്മാന് ടോം തോമസ് അധ്യക്ഷത വഹിക്കും. കെ. പി. ഹോര്മീസിനെക്കുറിച്ചുള്ള ഡോക്കുമെന്ഡറിയും പ്രകാശനം ചെയ്യും. സമ്മേളന ശേഷം ഫെഡറല് കലാകാരന്മാര് അവതരിപിക്കുന്ന ലങ്കാ ലക്ഷ്മി എന്ന നാടകവും അരങ്ങേറും.
