നിഗമനം – 1: ഉമ്മന്ചാണ്ടിയും പേഴ്സണല് സ്റ്റാഫായ ടെന്നി ജോപ്പന്, ജിക്കുമോന് ജേക്കബ്, ഗണ്മാന് സലിംരാജ്, ദഹിയിലെ സഹായി കുരുവിള എന്നിവര് ഉപഭോക്താക്കളെ വഞ്ചിക്കുന്നതിനായി ടീം സോളാര് കമ്പനിയെയും സരിത എസ്. നായരെയും അവരുടെ സഹായിച്ചിട്ടുണ്ട്. ഉമ്മന്ചാണ്ടിയെ ക്രിമിനല് ഉത്തരവാദിത്വത്തില് നിന്ന് രക്ഷപ്പെടുത്താന് അന്നത്തെ ആഭ്യന്തര-വിജിലന്സ് മന്ത്രിയായിരുന്ന തിരുവഞ്ചൂര് രാധാകൃഷ്ണന് പോലീസ് ഉദ്യോഗസ്ഥരെ നിയമവിരുദ്ധമായും കുറ്റകരമായും സ്വാധീനിച്ചിട്ടുമുണ്ട്.
നടപടി: ഉമ്മന്ചാണ്ടി നേരിട്ടും മറ്റുള്ളവര് മുഖേനയും കൈക്കൂലി വാങ്ങിയതിന്റെ അടിസ്ഥാനത്തില് അഴിമതി നിരോധന നിയമത്തിലെ വകുപ്പുകള് പ്രകാരം മേല്പ്പറഞ്ഞവരുടെ പേരില് വിജിലന്സ് കേസ് രജിസ്റ്റര് ചെയ്ത് അന്വേഷണം നടത്തും. ഉമ്മന്ചാണ്ടി, ടെന്നി ജോപ്പന്, ജിക്കുമോന് ജേക്കബ്ബ്, സലിം രാജ് എന്നിവര്ക്കെതിരെ തുടരന്വേഷണത്തിനു വേണ്ടി ക്രിമിനല് നടപടി നിയമ പ്രകാരം ബന്ധപ്പെട്ട കോടതികളില് നിയമാനുസൃതം ഹര്ജി നല്കുകയും തുടര്ന്ന് പ്രത്യേക അന്വേഷണ സംഘം അന്വേഷിക്കുന്നതുമാണ്. തിരുവഞ്ചൂര് രാധാകൃഷ്ണനെതിരെ ക്രിമിനല് കേസ് രജിസ്റ്റര് ചെയ്ത് പ്രത്യേക അന്വേഷണ സംഘം അന്വേഷിക്കും.
നിഗമനം-2: ഊര്ജ്ജമന്ത്രിയായിരുന്ന ആര്യാടന് മുഹമ്മദ് ഈ കേസില് നിയമവിരുദ്ധമായി ടീം സോളാറിനെയും സരിത. എസ്. നായരെയും സഹായിച്ചിട്ടുണ്ട്.
നടപടി: കേസ് രജിസ്റ്റര് ചെയ്ത് വിജിലന്സും പ്രത്യേക അന്വേഷണ സംഘവും അന്വേഷിക്കും.
നിഗമനം-3: മുമ്പു കേസന്വേഷിച്ച പ്രത്യേക അന്വേഷണ സംഘം ഉമ്മന്ചാണ്ടിയെ ക്രിമിനല് കുറ്റത്തില് നിന്ന് രക്ഷപ്പെടുത്താന് കുത്സിത ശ്രമങ്ങള് നടത്തിയിട്ടുണ്ട്. കൂടാതെ, പ്രത്യേക അന്വേഷണ സംഘം സംസ്ഥാന മന്ത്രിമാര്, സര്ക്കാര് ഉദ്യോഗസ്ഥര്, കേന്ദ്രമന്ത്രിമാര്, എം.എല്.എമാര്, സോളാര് കേസുകള് അന്വേഷിച്ച പോലീസ് ഉദ്യോഗസ്ഥര് എന്നിവരുടെ കുറ്റകരമായ പങ്കിനെ സംബന്ധിച്ച് തെളിവുകളും മറ്റ് രേഖകളും പരിശോധിച്ചിട്ടില്ല.
നടപടി: സ്ഥാനത്തുനിന്ന് മാറ്റുകയും വകുപ്പുതല നടപടി സ്വീകരിക്കുകയും ചെയ്യാവുന്നതാണ്. കെ. പത്മകുമാര് ഐ.പി.എസ്, ഡി.വൈ.എസ്.പി കെ. ഹരികൃഷ്ണന് എന്നീ പോലീസ് ഉദ്യോസ്ഥര് തെളിവുകള് നശിപ്പിച്ചതുള്പ്പെടെയുള്ള കുറ്റങ്ങളുടെ അടിസ്ഥാനത്തില് കേസ് രജിസ്റ്റര് ചെയ്ത് അന്വേഷണം നടത്തും. പ്രത്യേക അന്വേഷണ സംഘത്തലവന് എ. ഹേമചന്ദ്രന് ഐ. പി.എസ് അടക്കമുള്ള മറ്റ് ഉദ്യോസ്ഥരുടെ പങ്കിനെക്കുറിച്ച് പ്രത്യേക അന്വേഷണ സംഘം അന്വേഷിക്കുന്നതാണ്.
നിഗമനം- 4 : ടീം സോളാര് കമ്പനിയുടെ ഉദ്ഘാടന സമ്മേളനത്തില് പങ്കെടുത്ത എല്ലാ മന്ത്രിമാരും സോളാര് സ്ട്രീറ്റ്ലൈറ്റ് സ്ഥാപിക്കാന് ശിപാര്ശ ചെയ്ത എം.എല്.എമാരും ക്രിമിനല് കേസുകള് അവസാനിപ്പിക്കാന് ശ്രമിച്ച തമ്പാനൂര് രവി, മുന് എംഎല്എ ബെന്നി ബഹന്നാന് തുടങ്ങിയവരും ഉമ്മന്ചാണ്ടിയെ രക്ഷപ്പെടുത്താന് വേണ്ടി പ്രവര്ത്തിച്ചു.
നടപടി: ക്രിമിനല് കേസ് രജിസ്റ്റര് ചെയ്ത് പ്രത്യേക അന്വേഷണ സംഘം അന്വേഷിക്കും.
നിഗമനം- 5 : സരിതാ നായരുടെ 19.07.2013 ലെ കത്തില് പരാമര്ശിക്കപ്പെട്ടിട്ടുള്ള വ്യക്തികള് സരിതയുമായും അവരുടെ അഭിഭാഷകനുമായും ഫോണില് ബന്ധപ്പെട്ടതായി കാണുന്ന തെളിവുകളുണ്ട്.
നടപടി: ക്രിമിനല് കേസ് രജിസ്റ്റര് ചെയ്ത് പ്രത്യേക അന്വേഷണ സംഘം അന്വേഷിക്കും.
നിഗമനം- 6: കേരള പോലീസ് അസോസിയേഷന്റെ സെക്രട്ടറിയായിരുന്ന ജി.ആര്. അജിത്തിനെതിരെ അച്ചടക്കരാഹിത്യത്തിന് ശക്തമായ നടപടിക്കു ശിപാര്ശ. ഈ കേസില് പി.സി ആക്ട് ഉപയോഗിക്കാനാകുമോ എന്ന കാര്യം പരിഗണിക്കണം.
നടപടി: വകുപ്പുതല നടപടിയും കേസ് രജിസ്റ്റര് ചെയ്ത് വിജിന്സ് അന്വേഷണവും നടത്തുന്നതാണ്.
നിഗമനം- 7: പോലീസ് സേനയുടെ അച്ചടക്കം ഉയര്ത്തിപ്പിടിക്കാന് ആവശ്യമായ നിര്ദ്ദേശങ്ങള് സര്ക്കാരിനു സമര്പ്പിക്കുവാന് അനുയോജ്യമായ കാര്യക്ഷമതയുള്ള ഒരു ഏജന്സിയുടെ അന്വേഷണം അനിവാര്യമാണ്.
നിഗമനം- 8 : ശിക്ഷിക്കപ്പെട്ടവരോ വിചാരണ നേരിടുന്നവരോ ആയ തടവുകാരെ കോടതിയില് ഹാജരാക്കാന് കൊണ്ടുപോകുന്നതിന് ജയില് അധികാരികളും ബന്ധപ്പെട്ട പോലീസ് വകുപ്പും ശരിയായ നടപടികള് സ്വീകരിക്കുന്നില്ല എന്ന കാര്യം വ്യക്തമാക്കിയിട്ടുണ്ട്. ആവശ്യമായ പോലീസ് അകമ്പടി ഇത്തരം കാര്യങ്ങളില് നല്കേണ്ടതുണ്ട്.
നടപടി:(7 ന്റെയും 8 ന്റെയും ഒന്നിച്ച്) സര്ക്കാരിലേക്ക് ശുപാര്ശ സമര്പ്പിക്കാനായി റിട്ട. ഹൈക്കോടതി ജഡ്ജി അധ്യക്ഷനായി ഒരു കമ്മീഷനെ നിയമിക്കുന്നതാണ്.
നിഗമനം- 9: സെക്രട്ടേറിയറ്റിന്റെ സുരക്ഷയ്ക്കുവേണ്ടി സി.സി.ടി.വിയുടെ ദൃശ്യങ്ങള് ചുരുങ്ങിയപക്ഷം ഒരു വര്ഷമോ അല്ലെങ്കില് ഇവ സൂക്ഷിക്കുന്നതിനായി 500 ജി.ബി ഹാര്ഡ് ഡിസ്ക് സ്ഥാപിക്കുകയോ 15 ദിവസം കൂടുമ്പോള് അവ നിറഞ്ഞുകഴിഞ്ഞാല് ഇതിലെ ദൃശ്യങ്ങള് ശരിയായ രീതിയില് പകര്ത്തി സംരക്ഷിക്കുകയോ ചെയ്യണം.
നടപടി: ഇക്കാര്യം പരിശോധിക്കാന് ആഭ്യന്തരവകുപ്പ് അഡീഷണല് ചീഫ് സെക്രട്ടറിയെ ചുമതലപ്പെടുത്തും.
നിഗമനം- 10: ഊര്ജ്ജ വകുപ്പിനു കീഴിലാണ് ‘അനെര്ട്ട്’ പ്രവര്ത്തിക്കുന്നത്. ഇതിനെ ശരിയായ രീതിയില് നടത്തിയാല് സൗരോര്ജ്ജത്തിന്റെ നിര്മ്മാണത്തിനും വിതരണത്തിനും വികാസത്തിനും വേണ്ടി പ്രഖ്യാപിച്ചിട്ടുള്ള പദ്ധതികള് ഫലപ്രദമായി ഉപയോഗിക്കാനും മുന്നോട്ടുകൊണ്ടുപോകാനും കഴിയും.
നടപടി: ഇക്കാര്യം പരിശോധിക്കാനായി ഊര്ജ്ജ വകുപ്പ് അഡീഷണല് ചീഫ് സെക്രട്ടറിയെ ചുമതലപ്പെടുത്തും.
