കൊച്ചി: പ്രവാസികള്ക്കായി സംസ്ഥാന ഭവന നിര്മ്മാണ ബോര്ഡ് പ്രത്യേക പദ്ധതി നടപ്പാക്കുമെന്ന് റവന്യൂ – ഭവനനിര്മ്മാണ വകുപ്പു മന്ത്രി ഇ ചന്ദ്രശേഖരന് പറഞ്ഞു. ഭവനനിര്മ്മാണ ബോര്ഡിന്റെ ഇടപ്പള്ളി വര്ക്കിംഗ് വിമന്സ് ഹോസ്റ്റല് ഉദ്ഘാടനം ചെയ്യുകയായിരുന്നു അദ്ദേഹം. നിര്മ്മാണ പ്രവര്ത്തനങ്ങള് ഭവനനിര്മ്മാണ ബോര്ഡ് ഏറ്റെടുത്ത് നടത്തും. കേരളത്തില് അഞ്ച് ലക്ഷത്തിലധികം ആളുകള്ക്ക് ഇപ്പോഴും വീടില്ല. എല്ലാവര്ക്കും വീട് എന്ന ലക്ഷ്യത്തിലെത്താനാണ് സര്ക്കാര് ശ്രമിക്കുന്നത്. സംസ്ഥാനത്തിന്റെ സാമ്പത്തിക രംഗത്ത് ഗണ്യമായ സംഭാവനകള് നല്കുന്ന പല പ്രവാസികള്ക്കും സ്വന്തമായി വീട് ഇല്ലാത്ത അവസ്ഥയുണ്ട്. പ്രവാസികള്ക്കായി പ്രത്യേക പദ്ധതി നടപ്പാക്കും. ഇതിനായുള്ള നിര്മ്മാണ പ്രവര്ത്തനങ്ങളുമായി മുന്നോട്ടു പോവും. സുരക്ഷിതമായ ഇടങ്ങളില് താമസസൗകര്യം ലഭിക്കാത്തതു മൂലം സ്ത്രീകള് ജോലിക്കു പോകാതിരിക്കുന്ന സ്ഥിതിവിശേഷം ഒഴിവാക്കുന്നതിനാണ് സ്ത്രീകള്ക്കായി ഹോസ്റ്റല് തുടങ്ങിയിരിക്കുന്നതെന്നും മന്ത്രി പറഞ്ഞു. ഭവന നിര്മ്മാണ ബോര്ഡ് ചെയര്മാന് പി പ്രസാദ് അദ്ധ്യക്ഷനായിരുന്നു. 28 സെന്റ് സ്ഥലത്ത് മൂന്നു നിലകളിലായി 1481 ചതുരശ്രമീറ്റര് വിസ്തീര്ണ്ണം വരുന്ന കെട്ടിടത്തില് 98 വനിതകള്ക്ക് താമസിക്കാന് സൗകര്യം ഉണ്ട. ് ഭിന്നശേഷിക്കാര്ക്കായി താഴത്തെ നിലയില് മൂന്നു കിടക്കകളുള്ള ഒരു മുറി സജ്ജീകരിച്ചിട്ടുണ്ട.് കുഞ്ഞുങ്ങളുള്ള അമ്മമാരായ ജീവനക്കാരുടെ സൗകര്യത്തിനായി ഡേ കെയര് സൗകര്യവും ലഭ്യമാണ്. ദൂരെ നിന്നു വരുന്ന സ്ത്രീകള്ക്ക് താമസിക്കാനായി ഒരു ഗസ്റ്റ് റൂമും ഒരുക്കിയിട്ടുണ്ട്. പദ്ധതിക്ക് ഇതുവരെ ആകെ 305 ലക്ഷം രൂപയാണ് ചെലവഴിച്ചിട്ടുള്ളത്.
