ന്യൂദല്ഹി : ദേര സച്ച നേതാവ് ഗുര്മീത് രാം റഹീം ഗുര്മീതിന്റെ വളര്ത്തുമകള് ഹണി പ്രീത് ഇന്സാന് ചോദ്യം ചെയ്യലിനോട് സഹകരിക്കുന്നില്ലെന്ന് പോലീസ്. അതിനാല് റിമാന്ഡ് കാലാവധി നീട്ടി നല്കണമെന്ന് കോടതിയോട് പോലീസ് ആവശ്യപ്പെടുമെന്നും പോലീസ് പറഞ്ഞു.
ചൊവ്വാഴ്ച വൈകീട്ടാണ് ഹണി പ്രീതിനെ ഹരിയാന പോലീസ് അറസ്റ്റ് ചെയ്തത്. തുടര്ന്ന് ആറു ദിവസത്തെ പോലീസ് കസ്റ്റഡിയില് വിട്ടുകൊണ്ട് ബുധനാഴ്ച പഞ്ചാബ് ഹരിയാന കോടതി ഉത്തരവിട്ടു.
ബലാത്സംഗക്കേസില് ജയിലില് കഴിയുന്ന ഗുര്മീതിനെതിരെയുള്ള അന്വേഷണത്തിന്റെ ഭാഗമായാണ് ഹണി പ്രീതിനെ ചോദ്യം ചെയ്യുന്നത്. സിര്സയിലെ ദേര സച്ച ആസ്ഥാനത്ത് നടന്ന 41 മരണം സംബന്ധിച്ചും ഹണി പ്രീതിനെ ചോദ്യം ചെയ്യും.
