ന്യൂദൽഹി: പ്രധാനമന്ത്രി നരേന്ദ്ര മോദി ഇന്ന് ഇന്തോനേഷ്യ, ഓസ്ട്രേലിയ, ന്യൂസിലൻഡ് എന്നിവിടങ്ങളിലേക്ക് ആറ് ദിവസത്തെ സന്ദർശനം ആരംഭിച്ചു. അവിടെ അദ്ദേഹം മൂന്ന് രാജ്യങ്ങളിലെയും നേതാക്കളുമായി ഉഭയകക്ഷി ചർച്ചകൾ നടത്തുകയും സഹകരണത്തിന്റെ പ്രധാന മേഖലകൾ അവലോകനം ചെയ്യുകയും ബിസിനസ്സ് നേതാക്കളുമായി സംവദിക്കുകയും ഇന്ത്യൻ പ്രവാസികളെ അഭിസംബോധന ചെയ്യുകയും ചെയ്യും.
പ്രധാനമന്ത്രിയുടെ ഓഫീസ് പുറത്തിറക്കിയ യാത്രാ പ്രസ്താവനയിൽ ഇന്ത്യയുടെ ആക്ട് ഈസ്റ്റ് നയം, മഹാസാഗർ ദർശനം, സ്വതന്ത്രവും തുറന്നതും ഉൾക്കൊള്ളുന്നതുമായ ഇന്തോ-പസഫിക് മേഖലയോടുള്ള പ്രതിബദ്ധത എന്നിവയെ ഈ സന്ദർശനം കൂടുതൽ ശക്തിപ്പെടുത്തുന്നുവെന്ന് പ്രധാനമന്ത്രി മോദി പറഞ്ഞു.
“ഇന്ത്യന് മഹാസമുദ്രത്തിന്റെ കിഴക്കന് മേഖലയിലും ദക്ഷിണ മേഖലയിലും ഇന്തോനേഷ്യയിലേക്കും ഓസ്ട്രേലിയയിലേക്കുമുള്ള എന്റെ സന്ദര്ശനം, തുടര്ന്ന് ന്യൂസിലാന്ഡ് സന്ദര്ശനം, ഇന്ത്യയുടെ ആക്ട് ഈസ്റ്റ് പോളിസി, മഹാസാഗര് ദർശനം, സ്വതന്ത്രവും തുറന്നതുമായ ഇന്തോ-പസഫിക് മേഖലയെക്കുറിച്ചുള്ള നമ്മുടെ കാഴ്ചപ്പാട് എന്നിവയെ കൂടുതൽ ശക്തിപ്പെടുത്തും,” – മന്ത്രാലയം പ്രസ്താവനയിൽ പറഞ്ഞു.
