ന്യൂദല്ഹി : റോഹിങ്ക്യന് മുസ്ലിം അഭയാര്ത്ഥികളെ തിരിച്ചയയ്ക്കുന്ന വിഷയത്തില് എന്ഡിഎ സര്ക്കാരിന്റെ തീരുമാനത്തെ നീതിന്യായ വ്യവസ്ഥയ്ക്ക് പുനപരിശോധിക്കാമെന്ന് സുപ്രീംകോടതി. ഇതുമായി ബന്ധപ്പെട്ട് നല്കിയിട്ടുള്ള ഹര്ജി നിലനില്ക്കുന്നതല്ലെന്നും ചീഫ് ജസ്റ്റിസ് ദീപക് മിശ്ര അധ്യക്ഷനായ ഡിവിഷന് ബെഞ്ച് അറിയിച്ചു.
കേന്ദ്ര സര്ക്കാരിനു വേണ്ടി ഹാജരായ അഡീഷണല് സോളിസിറ്റര് ജനറല് തുഷാര് മേഹ്തയുടെ വാദത്തിന് മറുപടിയാണ് കോടതി ഇത്തരത്തില് പ്രസ്താവന നടത്തിയത്.
ഭരണഘടനയെ അടിസ്ഥാനമാക്കിയാണ് റേരാഹിങ്ക്യന് മുസ്ലിമുകളെ തിരിച്ചയയ്ക്കണമെന്ന് നിര്ദ്ദേശം വെച്ചിരിക്കുന്നതെന്ന് മേഹ്ത സുപ്രീംകോടതിയില് അറിയിച്ചു. അഭയാര്ത്ഥികളെ രാജ്യത്ത് തുടരാന് അനുവദിക്കുകയാണെങ്കില് ഇവര്ക്ക് നാട്ടുകാര്ക്കൊപ്പം മറ്റു സഹായങ്ങളും സര്ക്കാര് നല്കേണ്ടതുണ്ടെന്നും മേഹ്ത വാദിച്ചു.
അതിനിടെ യുപിഎ സര്ക്കാര് ഭരണകാലത്ത് അഭയാര്ത്ഥികള്ക്ക് സംരക്ഷണം നല്കാന് നിര്ദ്ദേശം നല്കിയിരുന്നു. എന്ഡിഎയുടെ നിലപാട് ഇതിനെതിരാണെന്ന് മുതിര്ന്ന അഭിഭാഷകന് എസ്. നരിമാന് കോടതിയില് അറിയിച്ചു. ഈ നിര്ദ്ദേശം സുപ്രീംകോടതി പരിഗണിക്കുമെന്നും ചീഫ് ജസ്റ്റിസ് പറഞ്ഞു. ഇതുസംബന്ധിച്ചുള്ള തുടര്വാദം ഒക്ടോബര് 13ലേക്ക് മാറ്റി.
